Ndërsa ShBA-ja ka vendosur kontrolle të padrejta eksporti, CEO i “Huawei”-t Ren Zhengfei e ka pranuar haptazi se mikroçipat e përparuar të kompanisë së tij mbeten ende “një brez prapa” homologëve të tyre amerikanë. Megjithatë, gjatë një interviste të fundit, Ren bëri të ditur se si gjiganti kinez i teknologjisë po përdor zgjidhje inovative dhe po i përkushtohet në mënyrë të pashembullt kërkimit themelor për të kapërcyer këto pengesa.
Komentet e Ren-it, të publikuara të martën në gazetën kineze “Renmin Ribao”, u bënë teksa zyrtarët amerikanë dhe kinezë po zhvillojnë bisedime tregtare, ku kufizimet teknologjike janë një pikë kyçe e rendit të ditës. Ai pohoi se “nuk ka nevojë për t’u shqetësuar mbi problemin e mikroçipave”, çka tregon besim në strategjinë afatgjatë të “Huawei”-t.
foto nga VCG
“Mikroçipi ynë tek është ende një brez prapa ShBA-së,” tha drejtpërdrejt Ren-i. Për të kapërcyer këtë hendek, “Huawei” po përdor parime të përparuara matematikore për të “plotësuar fizikën”, duke përdorur “qasje jo sipas Ligjit të Moore-it për të plotësuar Ligjin e Moore-it” dhe, ç’është më e rëndësishmja, duke përdorur të ashtuquajturën informatikë grupore për të përmirësuar performancën e mikroçipave individualë. Kjo përfshin lidhjen e shumë mikroçipave, siç ilustrohet nga sistemi AI “CloudMatrix 384”, i hedhur së fundmi në përdorim nga “Huawei”, i cili integron 384 mikroçipa “Ascend 910C” dhe, sipas raporteve, ka aftësinë për të konkurruar e – në disa parametra – për të tejkaluar sistemet rivale, si ai i “Nvidia”-s.
Në themel të këtyre përparimeve teknologjike është investimi i thellë dhe i durueshëm i “Huawei”-t në kërkimet teorike themelore. Ren-i bëri të ditur se afërsisht një e treta e buxhetit vjetor kolosal të “Huawei”-t prej 180 miliardë juanësh (25 miliardë dollarë amerikanë) u përkushtohet kërkimeve teorike themelore, të cilat nuk i nënshtrohen vlerësimit të menjëhershëm të paraqitjes. Ky premtim afatgjatë pasqyron besimin e tij se “pa teori, nuk do të ketë përparime dhe ne nuk do ta arrijmë ShBA-në”.
foto nga VCG
Ky durim strategjik është një parim thelbësor i filozofisë udhëheqëse të Ren Zhengfei-t. Duke lënë mënjanë lavdërimet ose kritikat e jashtme, ai e ka përqendruar vëmendjen te “bërja mirë e punës sonë” dhe te ecja përpara “hap pas hapi”. Ai i shikon investimet në kërkimin bazë si të ngjashme me kultivimin e rrënjëve të thella, gjë që thelbësore për lulëzimin teknologjik afatgjatë të vendit./cgtn
