“Ka shumë cilësi të çmuara dhe të larta nga babai që shpresoj të trashëgoj dhe të përvetësoj.” Kështu shkroi Xi Jinping-u para mbi 20 vjetëve në një letër për të atin, Xi Zhongxun.
Xi Zhongxun-i, një revolucionar proletar i ardhur nga toka e verdhë, ruajti dashurinë e thellë për masat popullore. Fjalët dhe sjelljet e të atit kanë ndikuar thellësisht në karakterin e Xi Jinping-ut dhe kanë përforcuar vendosmërinë e tij për t’ia kushtuar jetën kauzës së komunizmit për vendin dhe popullin.
Në janar 1969, Xi Jinping-u, që nuk kishte mbushur 16 vjeç, u nis nga Pekini për në fshatin Liangjiahe në provincën Shaanxi të Kinës Veriperëndimore. “Pavarësisht ku do të shkoj, jam biri i tokës së verdhë përgjithmonë.” Shumë vjet më vonë, Xi shkroi në një artikull: “Si shërbëtor i popullit, i kam rrënjët në rrafshnaltën e Shaanxi-së së Veriut, sepse kjo tokë më kultivoi besimin e palëkundur: të punoj konkretisht për popullin!”
foto nga CMG
Me kalimin e kohës, nuk ka ndryshuar synimi fillestar i Xi Jinping-ut.
Në një sallë ekspozite, në vendin e dikurshëm të zyrës së Komitetit të PKK-së në Suide, bazës revolucionare Shaanxi-Gansu-Ningxia në Veriperëndim të Kinës, ka një fjali të shkruar me shkronja të mëdha: “Duhet të qëndrojmë fort në anën e banorëve të thjeshtë.”Kjo fjali është thënë nga Xi Zhongxun-i.
Falë ndikimit të të atit, edhe Xi Jinping-u e ka gdhendur fjalën“popull” në zemrën e tij.
Gjatë dekadave, nga fshati Liangjiahe i provincës Shaanxi të Kinës Veriperëndimore në kontenë Zhengding në provincën Hebei të Kinës Veriore, nga provinca Fujian e Kinës Juglindore në provincën Zhejiang të Kinës Lindore, nga Shangai në Pekin, Xi Jinping-u ka bërë biseda me banorët e thjeshtë për hollësirat e jetesës, duke u ulur në stolat, karriget dhe divanët e tyre dhe duke ngrënë së bashku me ta. Ai ka praktikuar me veprime konkrete synimin për t’i shërbyer me zemër e me shpirt popullit.
Në nëntor 2012, gjatë konferencës së shtypit fill pas zgjedhjes si sekretari i përgjithshëm i KQ të PKK-së, Xi Jinping-u shpalli solemnisht: “Ëndrra e popullit për jetën e bukur është objektivi i përpjekjeve tona.”
foto nga CMG
Gjatë një inspektimi në fshatin Shibadong të provincës Hunan të Kinës Jugore, Xi Jinping-u ua paraqiti fshatarëve të pranishëm veten kështu: “Jam shërbëtor i popullit.”
Xi Zhongxun-i ka thënë: “Si një komunist, çfarë tjetër mund të më sjellë lumturi e krenari përveçse të punoj sa më shumë për Partinë?”
Fjalët dhe sjelljet e të atit i kanë mësuar Xi Jinping-ut të jetë një njeri i thjeshtë në dobi të popullit dhe e kanë inkurajuar t’ia kushtojë tërë jetën kauzës së shërbimit ndaj popullit.
“Puna ime është shërbimi ndaj popullit, gjë që është e lodhshme, por edhe të sjell kënaqësi.”Xi Jinping-u e ka shndërruar dashurinë e tij të thellë si fëmijë për popullin në përpjekjet e paepura për jetën më të bukur të 1.4 miliardë kinezëve, me shprehjen e përzemërt për Partinë dhe popullin: “Nuk do të jem egoist dhe do ta justifikoj besimin e popullit.”/cgtn
