Përfaqësuesi i përhershëm i Kinës në OKB-së Fu Cong i hodhi poshtë me vendosmëri akuzat e ShBA-së kundër Kinës lidhur me Detin e Kinës Jugore, gjatë një debati të hapur të nivelit të lartë në Këshillit të Sigurimit të OKB-së mbi multilateralizmin dhe zgjidhjen paqësore të mosmarrëveshjeve.
Fu foli i pari, i ndjekur nga përfaqësuesi i SHBA-së, i cili bëri pretendime të pabazuara në lidhje me veprimet e palës kineze në Detin e Kinës Jugore. Në përgjigje, Fu e mori fjalën përsëri për një raund të dytë për të kundërshtuar akuzat e ShBA-së.
Fu theksoi se Kina ka sovranitet të padiskutueshëm mbi ishujt në Detin e Kinës Jugore dhe ujërat rreth tyre, me baza të forta historike e ligjore që mbështesin kërkesat e saj territoriale dhe të drejtat e interesat detare. Ai përsëriti qëndrimin e palës kineze mbi çështjen e arbitrazhit në Detin e Kinës Jugore, duke theksuar që Kina nuk e njeh të ashtuquajturin “vendim” dhe as ndonjë veprim apo pretendim të bazuar në të.
Përfaqësuesi kinez theksoi gjithashtu se, falë përpjekjeve të përbashkëta të Kinës dhe vendeve të ASEAN-it, situata në Detin e Kinës Jugore ka mbetur kryesisht e qëndrueshme vitet e fundit, pa probleme në lidhje me lirinë e lundrimit apo fluturimit. Fu deklaroi se Kina vazhdon të mbështesë zgjidhjen e mosmarrëveshjeve detare nëpërmjet dialogut e konsultimeve, bazuar në respektimin e fakteve historike dhe të së drejtës ndërkombëtare.
Fu e kritikoi ShBA-në për shpërfilljen e kontekstit historik dhe fakteve objektive të çështjes së Detit të Kinës Jugore, duke e akuzuar Uashingtonin për krijimin e mosmarrëveshjeve dhe minimin e besimit të ndërsjellë midis vendeve të rajonit.
Ai vuri në dukje më tej që, pavarësisht se nuk është nënshkruese e Konventës së Kombeve të Bashkuara për të Drejtën Detare (UNCLOS), ShBA-ja shpesh e pozicionon veten si “gjyqtare” e konventës, duke ndërhyrë në punët e vendeve të tjera dhe duke bërë akuza të pabaza.
Ai shtoi që dihet mirë se kush po përpiqet ta destabilizojë Detin e Kinës Jugore dhe po ndërmerr veprime shtrënguese që kërcënojnë lirinë e lundrimit./cgtn
