Të premten, një zyrtar i lartë kundër korrupsionit tha se Partia Komuniste e Kinës (PKK) ka përcaktuar katër fusha kryesore për të ndjekur me vendosmëri rrugën e veçantë kineze në luftën kundër korrupsionit, në rezolutën e miratuar në plenumin e Komitetit Qendror të PKK-së.
Këto katër fusha përfshijnë mbajtjen e një qëndrimi të fortë kundër korrupsionit, forcimin e kontrolleve dhe mbikëqyrjes mbi përdorimin e pushtetit, forcimin e themeleve kulturore-etike për mbrojtjen e integritetit dhe përbuzjen e korrupsionit, si edhe forcimin e përpjekjeve të koordinuara për parandalimin e korrupsionit duke zhdukur guximin, mundësinë dhe dëshirën për korrupsion.
Zv.sekretari i Komisionit Qendror për Kontrollin e Disiplinës të PKK-së dhe zv.kryetari i Komisionit Kombëtar të Mbikëqyrjes Zhang Fuhai i bëri këto komente në një konferencë shtypi mbi parimet udhëzuese të plenumit të 5-të të Komitetit të 20-të Qendror të PKK-së.
Plenumi përfundoi të enjten në Pekin, duke miratuar Rezolutën e Komitetit Qendror të PKK-së mbi Disa Çështje Kryesore lidhur me Vendosmërinë për Vetëqeverisjen e Plotë dhe Rigoroze të Partisë.
Zhang bëri të ditur që qysh nga Kongresi i 18-të Kombëtar i PKK-së në 2012, organet e kontrollit disiplinor dhe mbikëqyrjes në mbarë vendin kanë trajtuar 8.105 milionë raste dhe kanë dënuar 7.922 milionë veta, duke u përfshirë 963 zyrtarë të regjistruar dhe të mbikëqyrur nga Komiteti Qendror i PKK-së.-cgtn
