Një zëdhënës i Misionit të Kinës në Bashkimin Evropian shprehu pakënaqësi të fortë dhe kundërshtim të vendosur ndaj një vizite të kohëve të fundit në rajonin e Tajvanit të Kinës nga disa anëtarë të Parlamentit Evropian, duke theksuar se ky veprim shkel rëndë parimin e “një Kine” dhe ndërhyn hapur në punët e brendshme të Kinës.
Zëdhënësi tha se Kina i ka paraqitur demarsh solemn palës evropiane për këtë çështje.
“Çështja e Tajvanit ka të bëjë me sovranitetin e integritetin territorial të Kinës dhe është në qendër në interesave thelbësore të Kinës”, tha zëdhënësi. Ai shtoi që parimi i “një Kine” është një normë themelore në marrëdhëniet ndërkombëtare e njohur universalisht nga bashkësia ndërkombëtare dhe përbën një themel politik për vendosjen dhe zhvillimin e marrëdhënieve Kinë-BE, duke përbërë një vijë të kuqe që nuk duhet të kalohet.
“Çështja e Tajvanit është thjesht një punë e brendshme e Kinës dhe në të nuk lejohet ndërhyrja e jashtme”, tha zëdhënësi.
Kina kundërshton me vendosmëri çdo formë komunikimi zyrtar midis Parlamentit Evropian dhe autoriteteve të Tajvanit, vuri në dukje zëdhënësi, duke i kërkuar Parlamentit Evropian, si një institucion thelbësor i BE-së, të respektojë angazhimin politik të bllokut ndaj Kinës.
Zëdhënësi i bëri thirrje palës evropiane që të korrigjojë menjëherë gabimet e saj dhe të përmbahet nga dërgimi i ndonjë sinjali të gabuar forcave separatiste të “pavarësisë së Tajvanit”, në mënyrë që të zbatojë me zell parimin e “një Kine” e të mbështesë në mënyrë efektive themelin politik të marrëdhënieve Kinë-BE./cgtn
