Rajoni Autonom i Xizang-ut i Kinës ka arritur përparim të spikatur në zhvillimin shoqëror dhe ekonomik gjatë 60 vjetëve të fundit. Prodhimi i brendshëm bruto i rajonit vitin e kaluar arriti në 276.5 miliardë juanë (rreth 38.53 miliardë dollarë), 154 herë më shumë se në vitin 1965, me një normë mesatare të rritjes vjetore prej 8.9 për qind, ndërsa të ardhurat e disponueshme për frymë të banorëve të qytetit arritën në 55 444 juanë.
Këto shifra u theksuan në një fjalim të enjten në Lhasë nga kryetari i Komitetit Kombëtar të Konferencës Konsultative Politike të Popullit Kinez Wang Huning në një tubim madhështor të mbajtur për 60-vjetorin e themelimit të Rajonit Autonom të Xizang-ut.
Foto nga VCG
Në Xizang është krijuar një rrjet i gjithanshëm transporti, që përfshin autostradat, hekurudhat dhe linjat ajrore. Gjatësia e përgjithshme e autostradave në Xizang i kalon 120 mijë kilometrat, ndërsa rrjeti hekurudhor e ka lidhur këtë rajon me pjesën tjetër të Kinës nëpërmjet trenave të shpejtë “Fuxing”. Përveç kësaj, 183 linja ajrore ndërkombëtare dhe të brendshme e lidhin Xizang-un me botën. Rrjeti energjetik dhe mbulimi me rrjet 5G, madje edhe në malin Qomolangma (Everest), e kanë revolucionuar furnizimin me energji dhe digjitalizimin e Xizang-ut.
Në 2024, të ardhurat e disponueshme për frymë të banorëve të qytetit në Xizang arritën në 55 444 juanë, ndërsa të banorëve të fshatit 21 578 juanë, me norma mesatare vjetore të rritjes përkatësisht 8.5 për qind për banorët e qytetit dhe 9.4 për qind për banorët e fshatit.
Foto nga VCG
Sistemet e arsimit dhe shëndetësisë kanë përparuar gjithashtu, me zbatimin e 15 vjetëve arsim falas, ndërsa në 3 618 shkollat e rajonit u regjistruan 970 000 nxënës e studentë. Objektet e kujdesit shëndetësor u shtuan nga 193 më 1965 në 7 231 vjet dhe e jetëgjatësia e banorëve është më shumë se dyfishuar që nga themelimi i rajonit.
Xizang-u mbetet një nga zonat ekologjike më të ruajtura në botë. Lumenjtë e mëdhenj të tij kanë një cilësi uji të kategorisë III a më të mirë dhe 99 për qind e ditëve përmbushin standardet e cilësisë së shkëlqyer të ajrit./cgtn
