Fjala kyçe: 变化—[biàn hua]— ndryshim
Më 21 gusht u mbajt në Lhasë konferenca për të kremtuar 60-vjetorin e themelimit të Rajonit Autonom të Xizang-ut. Në aktivitet morën pjesë Xi Jinping, Kryetar i Shtetit të Kinës si edhe njerëz të të gjitha kombësive në Xizang.
Gëzimi i sinqertë i njerëzve vendas faktikisht mbështetet nga të dhëna të forta: PBB e Xizang-ut arriti në 276.5 miliardë juanë në vitin 2024, më shumë se 150 herë më e lartë se ajo e vitit 1965, treguesit kryesorë ekonomikë renditen ndër më të lartët në vend për shumë vite rradhazi; 628.000 njerëzit e varfër të regjistruar janë nxjerrë nga varfëria dhe Xizang-u është çliruar plotësisht nga varfëria absolute që e ka penguar atë për qindra vjet; jetëgjatësia mesatare në rajon është rritur nga 68.17 vjet në vitin 2010 në 72.5 vjet aktualisht; Xizang-u është një nga rajonet me mjedisin më të mirë ekologjik në botë dhe kultura e tij tradicionale e shkëlqyer është mbrojtur dhe zhvilluar në mënyrë të paparë… Opinioni ndërkombëtar ka theksuar se ndryshimet në Xizang nuk janë vetëm një histori e zhvillimit të Kinës, por pasqyrojnë edhe përparimin e qytetërimit njerëzor.
Të huajt që kanë vizituar Xizang-un kanë përshkruar përvojat e tyre: “Zhvillimi i infrastrukturës në Xizang i tejkalon pritshmëritë, me rrjete energjie me tension të lartë që mbulojnë zonat e largëta malore”, “Mjedisi natyror këtu është i bukur dhe bashkëjetesa harmonike e njeriut dhe natyrës është e mahnitshme” dhe “Sharmi kulturor dhe zakonet popullore të Xizang-ut janë unike”.
Foto nga VCGNën udhëheqjen e Partisë Komuniste të Kinës, Xizang-u krijoi një sistem socialist, zbatoi reforma dhe hapje, si dhe ndërtoi një shoqëri të begatë në të gjitha aspektet. Gjatë 60 viteve të fundit, Xizang-u e ka realizuar vërtet zotërimin nga populli, duke çliruar një shtysë të fuqishme për zhvillimin ekonomik dhe shoqëror.Reformat demokratike të vitit 1959 shfuqizuan plotësisht sistemin feudal të bujkrobërve në Xizang, duke u dhënë miliona bujkrobërve liri personale dhe dinjitet për herë të parë. Pas themelimit të Rajonit Autonom të Xizang-ut në vitin 1965, u zbatua sistemi i autonomisë etnike rajonale, duke u lejuar njerëzve të të gjitha kombësive të ushtronin kontrollin e fatit të tyre. Deri në fund të vitit 2024, ndër përfaqësuesit e asamblesë kombëtare të niveleve të ndryshme, njerëzit e kombësisë tibetiane dhe kombësive të tjera përbënin 89.2% duke garantuar plotësisht të drejtat politike, si pjesëmarrjën e barabartë e kombësive të ndryshme në qeverisjen shtetërore dhe lokale.
Xizang-u ka pasur ndryshime të mëdha, sepse janë zbatuar mirë “katër detyrat kryesore” të stabilitetit, zhvillimit, mjedisit ekologjik dhe forcimit të kufirit, duke sjelllë përfitime të prekshme për banorët vendase. Gjatë 60 viteve të fundit, rajoni ka zhvilluar një luftë intensive kundër shkëputjes, duke ndërtuar një mbrojtje të padepërtueshme kundër separatizmit dhe duke krijuar kushte për zhvillim dhe rigjallërim. Që nga hapja e autostradës Qinghai-Xizang, Sichuan-Xizang deri në përfundimin dhe funksionimin e Hekurudhës Qinghai-Xizang, Xizang-u ka krijuar gradualisht një rrjet gjithëpërfshirës transporti që mbulon autostradat, hekurudhat dhe aviacionin. Vitet e fundit, Xizang-u ka zhvilluar fuqishmisht industri moderne si energjia e pastër, industria e gjelbër, teknologjia e lartë digjitale dhe turizmi kulturor, duke u nisur në një rrugë zhvillimi me cilësi të lartë me një “prioritet ekologjik”. Në korrik 2025, filloi ndërtimi i hidrocentralit në lumin Yarlung Zangbo, duke sjellë mundësi të reja për zhvillim me cilësi të lartë në Xizang.
Foto nga VCGNga zhvillimi i industrive specifike për pllajën, deri te ndërtimi i projekteve të mëdha si Hidrocentrali në Lumin Jarlung Zangbo dhe Hekurudha Sichuan-Xizang, nga forcimi i mbrojtjes ekologjike, deri tek urbanizimi i ri dhe rigjallërimi gjithëpërfshirës rural, plani i zhvillimit të Xizang-ut është bërë më i detajuar dhe i qartë.
PBB-së së Xizang-ut iu deshën 50 vjet për të arritur 100 miliardë juanët e parë, por vetëm gjashtë vjet për të arritur 100 miliardë juanët e dytë. Këtë vit pritet të arrihet një tjetër objektiv prej 100 miliardë juanësh. Me modernizimin e stilit kinez, zhvillimi i Xizang-ut do të jetë më i ndritshëm./cgtn
