Grupi Mediatik i Kinës (CMG) publikoi të premten në Pekin iniciativën për ndërtimin e markave të njohura kineze për vitin 2026, duke shfaqur një sërë projektesh krijuese dhe inovative.
Drejtori i Përgjithshëm i CMG-së, Shen Haixiong, tha se markat janë një simbol i rëndësishëm i fuqisë së butë të një kombi dhe një pasqyrim i zhvillimit me cilësi të lartë. Si organizata më e madhe mediatike ndërkombëtare në botë, CMG-ja shërben si një dritare kyçe për prezantimin global të markave kineze, vuri në dukje ai.
Drejtori i Përgjithshëm i CMG-së, Shen Haixiong/Foto nga CMG
Shen theksoi se 2026 shënon vitin e parë të Planit të 15-të Pesëvjeçar të Kinës (2026–2030) dhe fillimin e fazës së zhvillimit të markave të përfshira në “Planin për Ndërtimin e një Fuqie të Cilësisë”. Iniciativa e kësaj here përfaqëson veprime konkrete nga CMG-ja dhe partnerët e saj, për të çuar përpara strategjinë e ndërtimit të markave të vendit gjatë kësaj periudhe.
Foto nga CMG
Ai shtoi se CMG-ja do të vazhdojë të nxisë përmirësimet e konsumit, të mbështesë rigjallërimin rural dhe të përforcojë zërin e Kinës përmes iniciativave të markave, duke ndihmuar më shumë marka të njohura kineze të prezantohen globalisht. Grupi i tij shpresoi të punojë krah për krah me partnerë nga të gjithë sektorët, për të hapur një kapitull të ri në ndërtimin e Kinës si një fuqi markash./cgtn
