Eljanos Kasaj
Moskë,15 tetor– Pas punimeve të “Samitit Rusi-Azi Qëndrore” dhe “Samitit të Komonuelthit të Vendeve të Pavarura” në Dushanbe, vizitës së delegacionit shtetëror dhe kultural rus në Pehnian në kuadër të festimeve të 80-vjetorit të themelimit të Partisë së Punëtorëve të Koresë dhe zhvillimit të takimit të delegacionit të parë zyrtar të qeverisë talebane të Emiratit Islamik të Afganistanit me zyrtarët rus në Platformën Diplomatike të Moskës-evente që kanë shenjuar një “zbritje” të diplomacisë Ruse drejt Azisë, kursi i Kremlinit kësaj radhe është drejtuar drejt Lindjes së Mesme dhe Evropës Lindore, ku Rusia është pak-nga-pak duke rimëkëmbur influencën post-sovjetike dhe forcuar prezencën e saj nëpërmjet bashkëpunimit energjitik, humanitar dhe ushtarak.
“Hungaria do të vijoj bashkëpunimin energjitik me Rusinë pavarësisht presionit te BE-së”
Hungaria nuk ka ndërmend të refuzojë furnizimet me naftë dhe gaz nga Rusia, pasi vendi nuk do të jetë në gjendje të përmbushë nevojat e saj për energji pa to, ka deklaruar Ministri hungarez i Punëve të Jashtme dhe Marrëdhënieve Ekonomike, Peter Szijjarto, gjatë fjalës së tij në Forumin e 8-të Ndërkombëtar “Java e Energjisë Ruse”.
“Ne e vlerësojmë shumë bashkëpunimin tonë me partnerët dhe kolegët tanë rusë në fushën e energjisë. Pse? – Për shkak të përvojës sonë. Nuk jemi zhgënjyer kurrë, dërgesat kanë mbërritur gjithmonë, kur na duhej më shumë kemi marrë më shumë, kur na duhej më pak – kemi marrë më pak. Kontaktet janë respektuar gjithmonë. Pyetja ime është pse duhet ta ndërpresim këtë marrëdhënie?” vuri në dukje ministri.
Zoti Szijjarto siguroi se, falë bashkëpunimit me Rusinë, Hungaria sot është “e sigurt” për sa i përket furnizimit me energji. “Ne kemi kontrata afatgjata me Gazprom dhe Rosatom”, kujtoi Ministri Szijjarto, duke shtuar se kompanitë hungareze sot vijojnë të blejnë energji edhe nga kompani ose burime të tjera ruse, përfshirë LNG-të e transportuara me rrugë detare nëpërmjet Kroacisë, prej gjigandëve rus të energjisë si Gazprom,Lukoil,Tatarneft,etj; ndërkohë që puna vijon me Rosatom në ndërtimin e reaktorëve nuklear Paks II , të cilat synojnë ta bëjnë Hungarinë më të pavarur prej importeve të energjisë.
Ministri i Jashtëm theksoi se Hungaria synon të vazhdojë të udhëhiqet nga interesat e saj kombëtare në zgjidhjen e çështjeve lidhur me sigurinë e saj energjitike dhe kompetitivitetin e ekonomisë hungareze bazuar në burimet energjitike ruse.
Ndërkaq, zëvendëskryeministrit rus Alexandër Novak ka thënë për mediat ruse, se gjatë takimit me Ministrin e Punëve të Jashtme dhe Tregtisë të Hungarisë Peter Szijjarto,ai ka konfirmuar angazhimin e Rusisë për të marrë pjesë në ndërtimin e impianteve të energjisë elektrike dhe hidrocentraleve në Hungari, duke e thelluar më tej bashkëpunimin energjitik midis të dy vendeve.
Forumi i 8-të Ndërkombëtar “Java e Energjisë Ruse” po zhvillohet në Moskë nga 15 deri më 17 tetor në dy vende: Salla Qendrore e Ekspozitave “Manjezh”, ku do të zhvillohen diskutimet kryesore, dhe “Gostinij Dvor”, ku gjithashtu do të mbahet një ekspozitë e teknologjive më të fundit të përpunimit të lëndëve hidrokarbure dhe metodave të prodhimit të energjisë. Rreth 5000 delegatë nga 86 vende – duke përshirë delegacione shtetërore, menaxherët më të lartë të kompanive kryesore energjitike, ekspertë, analistë dhe specialistë në fushën e sigurisë energjitike dhe novacionit po marin aktualisht pjesë në të. Tema qendrore e Forumit të vitit 2025 është “Krijimi i Energjisë së së Ardhmes së Bashku”.
“Vizita historike e Presidentit të ri sirian në Moskë”
Presidenti i përkohshëm sirian, Ahmed al-Sharaa, ka mbërritur në Moskë, në vizitën e tij të parë shtetërore në Rusi, në kuadër të dialogut midis Kremlinit dhe qeverisë demokratike të Damaskut.
Takimi u zhvillua në Sallën e Gjelbër të Pallatit të Madh të Kremlinit, ku Presidenti al-Shaara u takua me Presidentin Rus Vladimir Putin, duke shënuar kështu kontaktin e parë ballë për ballë të nivelit të lartë të udhëheqësit sirian me autoritetet ruse që nga ndryshimi i pushtetit në Damask në fund të vitit 2024.
Sipas deklaratës së zëdhënësit të Kremlinit, Dmitrij Peskov, për Agjencinë Telegrafike të Lajmeve Ruse-TASS, bisedimet u përqendruan në bashkëpunimin dypalësh,ndihmën humanitare ruse për popullin sirian, zhvillimet rajonale dhe forcimin e lidhjeve pas epokës së Asadit.
Diskutimet kanë përfshirë edhe praninë ushtarake të Rusisë në Siri, ku aktualisht Rusia mban dy facilitete ushtarake në Siri — një bazë logjistike detare në qytetin-port të Tartusit dhe Bazën Ajrore Khmeimim pranë qytetit të Jableh në provincën Latakia. Një pikë tjetër kyçe në bosedimet midis dy udhëhqësve ka qënë dhe ekstradimi i ish-Presidentit sirian Bashar al-Assad,i cili që prej shembjes së qeverisë së tij në Dhejtor 2024 , ndodhet me azil politik në Rusi.
Sipas raporteve të TASS, takimi midis dy udhëheqësve përfundoi pas dy orësh e gjysmë,ku u dakortëzua për të mos pasur një deklaratë zyrtare të përbashkët për mediat,
“Moska dhe Minsku thellojnë më tej bashkëpunimin ushtarak”
Moska dhe Minsku i japin përparësi rritjes së aftësisë luftarake të Sistemit të Vetëm Rajonal të Mbrojtjes Ajrore, tha Ministri rus i Mbrojtjes Andrej Bjellousov në një takim të përbashkët të bordit të ministrive të mbrojtjes ruse dhe bjelloruse.
Shefi i mbrojtjes ruse theksoi gjithashtu se të dy vendet po punojnë për të përmirësuar hapësirën e vetme mbrojtëse, për të rritur furnizimet e ndërsjella të produkteve ushtarake dhe për të ndërtuar bashkëpunim midis industrive të tyre të mbrojtjes.
Përveç kësaj, sipas fjalëve të zotit Bjellousov, çdo vit zhvillohen mbi 150 aktivitete të përbashkëta, gjysma e të cilave janë ushtrime, seanca trajnimi dhe stërvitje ushtarake. Këtë vit, këto aktivitete kulmuan me stërvitjen strategjike “Zapad 2025”, rezultatet e së cilës takimi i bordit planifikoi të vlerësonte. Ai shtoi gjithashtu se Bjellorusia kishte pritur gjithashtu stërvitjet e Organizatës së Traktatit të Sigurisë Kolektive, të mbajtura në përputhje me të njëjtin plan si stërvitja “Zapad 2025”. Stërvitjet përfshinë Forcat Kolektive të Reagimit të Shpejtë, si dhe forca dhe mjete inteligjence dhe njësi logjistike.
Ministri i mbrojtjes vuri në dukje se agjencitë ruse dhe bjelloruse përgjegjëse për stërvitjen luftarake kishin mbajtur një konferencë në Minsk më 27-28 maj për të diskutuar mënyrat e shfrytëzimit të përvojës së operacionit special ushtarak të Moskës.
Këtë vit, dy batalione të përforcuara tankesh dhe 49 instruktorë të Forcave të Armatosura Bjelloruse morën trajnime në fusha të ndryshme të përgatitjes luftarake në qendrën e përbashkët të trajnimit për njësitë e pushkëve të motorizuara dhe tankeve në Rajonin Nizhnij Novgorod”, saktësoi zoti Bjellousov,duke lënë kështu të kuptohet se integrimi i strukturave ushtarake të hapsirës post-sovjetike vijon të mbetet një nga prioritetet kyçe të Rusisë.
/Argumentum.al
