Presidenti kinez Xi Jinping theksoi të enjten zbatimin e standardeve të larta për ndërtimin e Portit të Tregtisë së Lirë të Hainan-it.
Xi, gjithashtu sekretar i përgjithshëm i Komitetit Qendror të Partisë Komuniste të Kinës (PKK) dhe kryetar i Komisionit Qendror Ushtarak, i tha këto kur dëgjoi një raport pune në Sanya, kryeqendër e provincës ishullore të Kinës Jugore Hainan, mbi ndërtimin e Portit të Tregtisë së Lirë të Hainan-it.
Ndërtimi i Portit të Tregtisë së Lirë të Hainan-it është një politikë madhore e Komitetit Qendror të PKK-së për thellimin e gjithanshëm të Reformës dhe Hapjes në epokën e re, tha Xi. Ai e vuri theksin në studimin dhe zbatimin e zellshëm të parimeve udhëzuese të plenumit të katërt të Komitetit të 20-të Qendror dhe bëri thirrje për arritjen e objektivave të zhvillimit të Portit të Tregtisë së Lirë të Hainan-it në të gjitha aspektet nëpërmjet bashkërendimit të ngushtë, veprimeve proaktive dhe përpjekjeve të vazhdueshme.
Porti i Tregtisë së Lirë i Hainan-it do të nisë zyrtarisht operacionet e posaçme doganore në mbarë ishullin më 18 dhjetor të këtij viti. Presidenti Xi e ka cilësuar këtë si një masë të rëndësishme të Kinës për të zgjeruar me vendosmëri hapjen me standard të lartë dhe për të nxitur zhvillimin e një ekonomie të hapur botërore./CGTN
