Presidenti i Uruguait, Yamandu Orsi, mbërriti në Pekin të dielën për një vizitë shtetërore në Kinë nga 1 deri më 7 shkurt.
Kjo shënon vizitën e parë shtetërore të presidentit Orsi në Kinë që nga marrja e detyrës në vitin 2025, duke e bërë atë udhëheqësin e parë të Amerikës Latine që viziton Kinën në vitin 2026.
Ai shoqërohet nga një delegacion i përbërë nga zyrtarë të qeverisë uruguaiane, si edhe përfaqësues nga bizneset dhe dhomat e tregtisë.
Gjatë vizitës, presidenti kinez Xi Jinping do të zhvillojë bisedime me Orsin për një shkëmbim të thellë pikëpamjesh mbi thellimin e partneritetit strategjik gjithëpërfshirës Kinë-Uruguai, bashkëpunimin me cilësi të lartë për nismëm “Një brez, një rrugë”, si edhe për çështjet ndërkombëtare dhe rajonale me interes të ndërsjellë.
Uruguai, një shtet i Amerikës Jugore, ka një sektor bujqësor e blegtoral të zhvilluar. Kina dhe Uruguai vendosën marrëdhënie diplomatike në shkurt të vitit 1988. Në nëntor të vitit 2023, të dy vendet njoftuan krijimin e një partneriteti strategjik gjithëpërfshirës. Pas zgjedhjes së presidentit Orsi në vitin 2024, presidenti Xi Jinping dërgoi një mesazh urimi dhe çoi një të dërguar të posaçëm për të marrë pjesë në ceremoninë e betimit të tij Presidenti Orsi u takua gjithashtu me të dërguarin kinez, duke nënvizuar nivelin e lartë të marrëdhënieve dypalëshe.
Në vitet e fundit, nën udhëheqjen strategjike të dy krerëve të shtetit, besimi i ndërsjellë politik midis Kinës dhe Uruguait ka vazhduar të thellohet, ndërsa bashkëpunimi në fusha të ndryshme ka përparuar vazhdimisht. Kina ka mbetur partnerja e më e madhe tregtare e Uruguait për më shumë se një dekadë dhe është tregu më i madh për eksportet uruguaiane. Kina importon kryesisht mish viçi e sojë nga Uruguai, ndërsa eksporton produkte të tilla si automjetet elektrike dhe mallrat elektronike.
Duke komentuar vizitën e presidentit Orsi, zëdhënësi i Ministrisë së Jashtme kineze Guo Jiakun tha se Kina shpreson që vizita të luajë një rol pozitiv në thellimin e mëtejshëm të partneritetit strategjik gjithëpërfshirës./cgtn
