Në një reportazh të muajit janar, revista mujore amerikane Wired përmendi“ethet e stilit kinez” në rrjetet sociale globale, duke thënë se njerëzit tashmë po gjenden në“një fazë shumë kineze”(very Chinese time) në jetët e tyre.
Kohët e fundit, fraza“një fazë shumë kineze e jetës”po bëhet virale në internet. Shumë përdorues të rrjeteve sociale thonë me shaka“po më takon në një fazë kur jam shumë kinez”. Ata kanë interes të madh për mëngjesin e larmishëm kinez dhe xhaketat sportive të stilit kinez. Ndërsa popullariteti rritet, edhe figura të njohura si komediani Jimmy O Yang apo influenceri Hasan Piker i janë bashkuar këtij trendi. Në të njëjtën kohë, kanë dalë edhe meme si“Chinamaxxing”(po bëhesh gjithnjë e më shumë kinez) apo “u bëfsh kinez nesër” (u will turn Chinese tomorrow)shpesh i përdorur si një urim.
Foto nga Chinadaily
Sipas reportazhit, edhe pse është e vështirë të përcaktohet me saktësi kjo prirje, gjatë vitit të kaluar kanë ndodhur ndryshime të mëdha në përceptimin e njerëzve për Kinën. Shumë amerikanë, veçanërisht brezi i ri, po shfaqin interes të madh për teknologjinë, markat, madje dhe qytetet e Kinës. Ata po blejnë më shumë produkte “Made in China” dhe po marrin pjesë në këto eksperienca të“stilit të jetesës kineze”.
Një tjetër arsye pse Kina po bëhet një temë e nxehtë, është integrimi i saj në jetën e përditshme globale. Pavarësisht se ku ndodhesh në botë, kudo mund të gjesh produkte të prodhuara në Kinë. Sipas reportazhit, celulari, laptopi, robotët e pastrimit mund të vijnë nga Kina, lodrat Labubu nga Kina, panelet diellore për të ofruar energji për vendet e Jugut Global prodhohen në Kinë, madje modeli i madh i inteligjencës artificiale me burim të hapur ka lindur pikërisht në Kinë…
Në dekadat e fundit, Kina ka luajtur një rol të rëndësishëm në zinxhirët globalë të furnizimit. Por vetëm vitin e kaluar shumë amerikanë e kuptuan varësinë e tyre ndaj produkteve kineze. Madje në një botë të ndërlidhur, nëpërmjet aplikacioneve konsumatorët mund të komunikojnë direkt me fabrikat kineze. Në të njëjtën kohë, pengesa e gjuhës është zbehur. Modeli i fundit madh i gjuhës mund të kryejë përkthime në mënyrë të shkëlqyer. Pavarësisht disa aplikacioneve që ende kanë hapësira për t’u përmirësuar në lokalizimin, tashmë vetëm me një klikim “përkthej” mund të zgjidhet problemi gjuhësor, duke ulur ndjeshëm pragun e komunikimit ndër-kulturor.
Foto nga VCG
Në reportazh vihet në dukje se në sfondin e përmirësimeve të vazhdueshme të infrastrukturës dhe zhvillimit urban, arritjet e zhvillimit të Kinës po tërheqin gjithnjë e më shumë vëmendjen ndërkombëtare. Vitet e fundit, krahas thellimit të diskutimeve globale për diversifikimin e rrugëve të zhvillimit, praktikat e Kinës kanë ofruar një referencë për ndërtimin i qyteteve moderne, rrjetet efikase hekurudhore me shpejtësi të lartë etj.
Siç tha edhe shkrimtari Minh Tran, vëmendja ndërkombëtare tek Kina në fakt pasqyron synimin e përbashkët të njerëzve për një jetë më të bukur. “Ethet e stilit kinez” ndoshta janë një pasqyrim i kësaj aspirate. /cgtn
