Potala në zemër të qytetit Lhasa, është kompleksi i pallateve në lartësinë më të madhe në botë. Si një thesar i trashëgimisë kineze dhe një mrekulli e arkitekturës botërore, ai është një nga simbolet kulturore më ikonike të Rajonit Autonom Xizang.
Në vitin 2026, Xizang shënon 75-vjetorin e çlirimit të tij paqësor. Gjatë 75 viteve të fundit, janë bërë shumë përpjekje për të ruajtur trashëgiminë e tij unike kulturore. Vitet e fundit Pallati Potala, ka dëshmuar një përparim të madh në mbrojtjen e artefakteve të tij.
Në vitin 2012, Pallati Potala dhe Universiteti Jiaotong i Pekinit filluan zhvillimin e një platforme elektronike për të monitoruar në kohë reale strukturat prej druri, muret dhe themelet e pallatit, si dhe shembjet e maleve dhe ndryshimet e nivelit ujor.
Parandalimi i zjarrit është ndër prioritetet kryesore në garantimin e sigurisë së Pallatit Potala. Rreziqet eliminohen rrënjësisht, duke ndaluar hyrjen e materialeve të ndezshme dhe shpërthyese në vend. Njëkohësisht, përdorimi i llambave me gjalpë dhe djegia e temjanit mbikëqyren rreptësisht.
Sistemi i monitorimit të strukturës së Pallatit Potala/Foto nga CGTN
Janë instaluar sisteme alarmi zjarri dhe pajisje inteligjente monitorimi të elektrikut, duke mundësuar paralajmërimin e hershëm në distancë në rast të një problemi. Përveç kësaj, është vendosur një raund i përditshëm inspektimesh, i kryer nga një ekip prej 20 personash të sigurisë, elektricistëve, zjarrfikësve dhe kontrolluesve të llambave me gjalpë, të cilët shqyrtojnë me kujdes çdo zonë të pallatit pasi mbyllet çdo ditë.
Falë një pune kaq të rreptë mbrojtëse, Pallati Potala ka mbajtur një rekord të jashtëzakonshëm prej zero incidentesh zjarri për 40 vjet rresht.
Pallati Potala, “Perla në Çatinë e Botës”, mban një koleksion të gjerë reliktesh kulturore, duke përfshirë statuja të Budës, dorëshkrime të lashta, piktura Thangka, kostume tradicionale dhe objekte prej porcelani.
Në vitet e fundit, pallati ka përmirësuar më tej menaxhimin e thesareve të tij kulturore. Ai ka ngritur ambiente të dedikuara magazinimi, bazuar në kategorinë e sendeve dhe materialeve nga të cilat është bërë. Ai gjithashtu ka krijuar një sistem sipas të cilit regjistrohen të gjitha objektet e tij.
Relikte të ruajtura në Pallatin Potala/Foto nga CGTN
Relike të ruajtura në Pallatin Potala/Foto nga CGTN
Projektet e restaurimit, ruajtjes parandaluese dhe digjitalizimit, janë mjete të tjera me anë të të cilave Pallati Potala ruan thesaret e tij kulturore, veçanërisht thesarin e dorëshkrimeve me gjethe palme./cgtn
