Hong-Kongu do t’i ndihmojë ndërmarrjet nga vendet partnere të nismës “Një brez, një rrugë” të zgjerojnë tregjet e tyre dhe të ulin kostot e transaksioneve, për të çliruar potencialin e rritjes rajonale, shkroi në blogun e tij të dielën Paul Chan, sekretar financiar i qeverisë së Rajonit të Posaçëm Administrativ të Hong-Kongut (HKSAR).
Samiti i 11-të “Një brez, një rrugë” do të zhvillohet në Hong-Kong nga 9 deri më 10 shtator. Chan tha se në këtë samit do të ketë një sesion të ri të quajtur “Behu global”, për të mbështetur ndërmarrjet e pjesës kontinentale të zgjerohen në tregjet jashtë vendit.
Samiti do të përqendrohet në energjetikë, inteligjencën artificiale, ekonominë e lartësisë së ulët, zhvillimin urban etj., dhe gjatë tij do të organizohen vizita në terren për të promovuar shkëmbimet e bashkëpunimin, shtoi Chan.
Sipas tij, aktualisht më shumë se 100 ndërmarrje nga vendet partnere të “Një brez, një rrugë” janë listuar në Bursën e Hong-Kongut, me një vlerë të përgjithshme kapitalizimi të tregut që i tejkalon 340 miliardë dollarë hongkongas (rreth 43.4 miliardë dollarë amerikanë). Njëkohësisht, disa firma infrastrukturore nga Azia Qendrore po planifikojnë të debutojnë në Bursën e Hong-Kongut.
Sekretar financiar i Rajonit të Posaçëm Administrativ të Hong-Kongut vuri në duke gjithashtu që Hong-Kongu do të vazhdojë të luajë epërsinë e vet të veçantë bazuar në parimin “Një vend, dy sisteme” dhe do të ndërmarrë veprime konkrete për të dhënë kontribut për ndërtimin e një bashkësie me të ardhme të përbashkët për njerëzimin./cgtn
