Shqipëria prej dy javesh po përballet me pandeminë botërore Covid-19. Duke qenë se jemi në fillim të kësaj epidemie, janë shumë të panjohura me të cilat do na duhet të përballemi secili prej nesh në javet dhe muajt në vijim. Të izoluar tërësisht, impakti ndihet që tani në jetën sociale/ekonomike në vend. Tashmë është koha të merren parasysh të gjitha skenarët e mundshëm .
Kryeministri Rama shpalosi mbrëmjen e së enjtes planin ekonomik të qeverisë për përballimin e situatës së COVID-19. Plan për adresimin e nevojat për financimin të atyre që janë prekur drejtpërdrejt në ekonominë e tyre përmuajshme, u shpreh Rama.
Përvec kësaj , është e domosdoshme ndihma me mjekë expertë apo dhe me preparate mjekësore në këtë luftë të ashpër ndaj coivd-19. Nisur dhe nga fakti se Kina ka treguar gatishmërinë e saj duke ndihmuar vendet që kanë nevojë në përballjen e kësaj epidemie, edhe vendi yne i është drejtuar nëpërmjet ambasadës së Kinës në Tiranë për ndihmë Kinës, sikundër u konfirmua nga vete ambasadori kinez në një interviste për Euronews Albania
“Gjëja më e rëndësishme është që të shkëmbejmë sa më shumë eksperiencat dhe të bashkëpunojmë dorë për dore, për të luftuar këtë pandemi,” tha z. Ding.
“ Shqipëria ka provuar miqësinë e vet për Kinën në ditë të vështira dhe se kjo miqësi e mirë do t’i rikthehet. Kina do ta ndihmoje Shqiperine tashmë që ky vend kërcënohet nga pandemia .
“Unë gjithmonë kam mbajtur komunikim të ngushtë ne qeverinë shqiptare, në veçanti me kryeministrinë dhe ministrinë e Shëndetësisë. Në ditët e vështira të epidemisë në Kinë, Presidenti Meta, Kryeministri Rama, kryeparlamentari Ruci u dërguan letra solidariteti udhëheqësve kinezë. Madje kryebashkiaku i Tiranës Veliaj organizoi një aktivitet solidarizimi në një nga restorantet kineze në Tiranë në bashkëpunim me ambasadën kineze për luftën kundër pandemisë,” deklaroi z. Ding
Tashmë që Shqipëria kërcënohet nga pandemia ne do të qëndrojmë në krah të popullit shqiptar. Dhe në shumë raste i kemi dërguar të dhëna Ministrisë së Shëndetësisë ISHP-së dhe medias shqiptare gjetjet më të fundit në lidhje me hulumtimet mbi COVID-19, të parandalimit, kontrollimit dhe shërimit nga virusi,” tha ambasadori.
Megjithatë kjo ndihmë duket se nuk është e “mirepritur nga Shqipëria .
I pyetur në emisionin “Opionion” në Tv Klan, nëse kishte kërkuar ndihmë nga Kina, Kryeministri Edi Rama tha se ka folur me Presidentin e Turqisë Erdogan në lidhje me nevojat që do të mund të ketë Shqipëria si pasojë e situatës së krijuar nga koronavirusi.
Rama tha se prej dy javësh lista me kërkesat e Shqipërisë ndodhet në tryezën e Erdogan, duke thënë se ndihma është e garantuar.
“Unë kam folur me Presidentin e Turqisë, me të cilin jam në kontakt të vazhdueshëm. Ne kemi prej kohësh, prej dy javësh, kemi vendosur në tavolinën e shtetit turk një listë me kërkesa në rast se do të përmbyset bota, për të mbuluar ato që ju thatë. Atë pjesën kritike atë gjënë që duhet me e pas të garantuar, dhe ne e kemi të garantuar me Turqinë”,-tha Rama
Pavarësisht aleateve strategjik të vendeve tona ,sot nuk është koha as për politike as për marrëdhëniet apo ndasitë gjeostrategjike. Sot koha nuk pret , andaj asnjë lloj ndihmë nuk duhet refuzuar . Sidomos kur bëhet fjalë për Kinën e cila duket që tashme e ka kaluar këtë mankth dhe eksperienca e tyre mjekësore janë fondamentale në këto momente.
Eshtë thënë se jemi në luftë, luftë në përballjen me pandeminë COVID-19, ndaj në këto momente kur Shqipëria është në izolim total, përballë kësaj pandemie që cdo ditë po shënon rritje të numrit të infekturve por dhe atyre që kanë humbur jetën, asnjë ndihmë nuk duhet refuzuar./m.d/
argumentum.al
© Argumentum
