Pas konferencës së 11-të të Stabilizim-Asociimin që u mbajt sot në Bruksel mes Bashkimit Evropian dhe Shqipërisë, kryeministri Edi Rama mbajti një konferencë të përbashkët me Përfaqësuesin për Politikë të Jashtme të BE-së Joseph Borrell dhe Komisionerin për Zgjerim, Oliver varhelyi, të cilët vlerësuan pozitivisht zhvillimet e ndodhura së fundmi.
Borrell vlerësoi se Shqipëria ka bërë hap përpara sidomos në reformën në drejtësi. Ai tha se pritshmëritë janë të larta që së shpejti Shqipëria të nisë bisedimet për anëtarësim me konferencën e parë ndërqeveritare. Ai shtoi se vëmendja shkon edhe te zgjedhjet parlamentare të 25 prillit, ku bëri thirrje që në listat e kandidatëve partitë të përfshijnë njerëz me integritet.
“Në zgjedhjet e 25 prillit, theksojmë që emrat e kandidatëve të jenë me integritet, është një nga aspektet kyçe, kemi një mesazh për të gjitha palët politike, integrimi në BE duhet të jetë objektiv i të gjithëve, polarizimi i skajshëm nuk është i mirë dhe nuk është në interesin e shqiptarëve, por presim që të organizojmë konferencën e parë ndërqeveritare pas kuadrit negociues,” – tha Borrell.
Kryeministri Rama shprehu fillimisht zhgënjimin për sa i përket vonesave nga BE-ja për mbështetjen me vaksina anti-Covid të Shqipërisë dhe rajonit. Ai theksoi më tej se vendi i ka plotësuar kushtet dhe detyrat e vendosura nga Brukseli për sa i përket zhvillimit të konferencës së parë ndërqeveritare për të diskutuar nisjen e bisedimeve për anëtarësim.
Përfaqësuesi i Lartë i Bashkimit Europian, Joseph Borrell dhe komisioneri për Zgjerimin në BE, Oliver Varhelyi gjatë konferencës me kryeministrin Edi Rama në Bruksel, u pyetën në lidhje me shit-blerjen e votave në vendin tonë si dhe me situatën parazgjedhore.
“Përgatitjet për zgjedhje janë në proces. E kemi inkurajuar kryeministrin që të ndjekë të gjitha aspektet e OSBE Odihr. Sa i takon çështjes specifike të blerjes së votës, raporti i fundit i Komisoinit për Shqipërinë theksoi rëndësinë e një hetimi të është dhe transparent të akuzave. Vendimi i këshillit në mars 2020 theksojnë se nisja e proceseve gjyqësore për ata të blerjes së votës duhet shikuar”, dekaroi Borell.
Ndërkohë që komisoneri Varhelyi theksoi rëndësinë e zbatimit në terren të atyre që janë arritur nga forcat politike në Shqipëri.
“Përveç asaj që tha përfaqësuesi i lartë ne po i afrohemi zgjedhjeve që janë përgatitur në një mënyrë tërësore. Kemi pasur një marrëveshje midis partive. Ky është tashmë një element i ri krahasuar me zgjedhjet e mëparshme dhe kjo sjell garanci. Kjo reformë në përputhje të plotë me parimet e OSBE. Kjo u vijua nga opinioni i Komisionit të Venecias që ranë dakord ta zbatonin plotësisht. Shtesa e tretë e garancisë është pjesëmarrja e vëzhguesve në zgjedhje. Nga ana jonë do të ndihmojnë që vëzhguesit të jenë të pranishëm. Garanci të mjaftueshme ofrohen në sistem. Siç edhe ju pyetët për blerjen e votës do të shikojmë në terren se ç’masa të merren. Ne duam që ligji të zbatohet. Sa i takon pyetjes që lidhet me rastet e nivelit të lartë të korrupsionit është diçka që e kemi biseduar dhe Shqipëria po bën përparim të qëndrueshëm. Nuk ka dyshim që tani na duhet të shikojmë emërimet dhe funksionin e këtyre organizmave. Kur përmenda nevojën për të ndërtuar më tej bilancin këtë kisha parasysh, edhe rivlerësimi i gjyqtarëve duhet të vazhdojë. Kjo ka qenë qasja e këtij komisioni që na duhet të bëjmë përparim në terren”, tha Komisioneri për Zgjerimin.
Kryeministri Edi Rama nga Brukseli deklaroi se ishte moment shokues për qytetarët shqiptarë, teksa u përballën me fushatën e vaksinimit që nisi në Europë dhe se vendi unë nuk kishte siguruar asnjë dozë.
Ai tha se Shqipëria nuk është në kufi me Europën, por është e rrethuar nga ajo.
“Më lejoni që së pari t’ju them se ne vlerësojmë përpjekjet e bëra nga komisioneri, për të qenë në anën tonë në këtë moment kaq delikat kur ne, Shqipëria dhe vendet e tjera të rajonit u lanë mënjanë në shpërndarjen e vaksinave. Ishte moment tronditës për njerëzit tanë, pasi siç e dinë të gjithë, ne nuk jetojmë në kufi me BE por brenda tij. E duke pasur dhe ne të moshuarit, të sëmurët tanë, njerëzit tanë, të cilët e ndjenë se vaksinat nuk ishin diçka që meritonin të kishin si të tjerët, ishte gjë e keqe. Të gjithë e dinë se si shkoi kjo gjë. Sot ka 140 vende që nuk kanë nisur asnjë injeksion. COVAX po nis më në fund t’u japë vendeve dozat e para. Do të jemi shumë të lumtur që të marrim dërgesën e parë të AstraZenca, ndërkohë që po punojmë për të rritur kapacitetet. Po shohim përtej burimeve të dëshirueshme të vaksinave. Jam i lumtur që të dëgjoj drejtpërdrejtë nga ju këtu atë që kemi dëgjuar nga ju, ndërsa theksohet nga ju, se Shqipëria ka bërë gjithçka që duhet të bënte për çeljen e konferencën. Ne e kemi bërë punën tonë. Ne jemi përherë shumë të vëmendshëm që të dëgjojmë komisionin, pasi ai është mekanizmi më i lartë vlerësues mbi bazat faktike të progresit të një vendi. Së fundi në radhë, por jo nga rëndësia, shpresoj shumë fortë që plani për investimin në Ballkan, i prezantuar nga Varhely, është një instrument i dobishëm për të forcuar bashkëpunimin tonë, për të bërë të ardhmen tonë më të mirë. E përsëris, ne nuk i bejmë këto reforma se na i kërkoni ju që t’i bëjmë. Por këto reforma janë ato çka iu detyrohemi fëmijëve tanë, ndaj BE është një bekim për një fëmijët tanë. Nuk ka asgjë që mund të krahasohet me të ardhmen e fëmijëve tanë.”, tha Rama.
Gjatë konferencës për shtyp, gazetarja shqiptare e vendosur në Bruksel Erisa Zykaj pyeti Borell dhe Varhelyi se çfarë mendojnë për mosecjen para të proceseve penale të dosjeve mbi shitblerjen e votës.
Kjo pyetje nuk mbeti pa përgjigje dhe nga kryeministri Rama, i cili e quajti një sulm ‘në gjuhën e tij’ ndaj shtetit shqiptar.
“Është mjaft mbresëlënëse të dëgjoj një gjuhën time një deklaratë të pabesueshme që askush nuk është hetuar dhe se asgjë nuk ka ndodhur në lidhje me rastet e dëgjuara për blerje vote ndërkohë që ka 20 njerëz të proceduar dhe që ndërkohë janë në proces e sipër. Janë 20 persona të dyshuar për blerje votash nga të gjitha partitë dhe të shoh këtë dembeli të pashoqe në zemër të Brukselit”, tha Rama.
© Argumentum.
