Shefi i politikës së jashtme të BE-së, Joseph Borrell të premten në mbrëmje, më 24 qershor mbërriti në Teheran.
Vizita e Joseph Borrell në Teheran u bë pas bisedimeve midis tij dhe zëvendësit të tij, Enrique Mora, dhe Përfaqësuesit Special të SHBA për Iranin Robert Mali në Bruksel. Shefi i politikës së jashtme të BE-së synimin e tij për të vizituar Iranin e përshkroi si më poshtë: Udhëtimi im në Teheran ka një qëllim kryesor; Për të thyer ngërçin dhe për të ulur tensionet rreth bisedimeve të marrëveshjes bërthamore dhe për të krijuar një nxitje dhe mundësi të re që bisedimet të shkojnë në rrugën e duhur. Pasi bisedoi me zyrtarët iranianë, Borrell foli për suksesin e vizitës së tij në Teheran dhe tha: Në ditët në vijim le të rifillojmë negociatat dhe ta kalojmë këtë ngërç. Kanë kaluar tre muaj dhe ne duhet t’i përshpejtojmë gjërat.
Jam shumë i lumtur për këtë vendim që është marrë në Teheran dhe Uashington. Edhe ministri i Jashtëm, Hossein Amir-Abdollahian, i cilësoi bisedimet me Borrellin si të detajuara, të thella dhe të sakta dhe tha: Ne i kujtuam Borrelit kërkesat e Iranit dhe theksuam se jemi gati të rifillojmë bisedimet në ditët në vijim. Por një çështje e rëndësishme që mund ta dallonte vizitën e Borrelit në Teheran nga konsultimet e zakonshme midis zyrtarëve politikë, ishte takimi relativisht i gjatë që ai dhe rrethi i tij patën me admiral Shamkhani, sekretar i Këshillit të Lartë të Sigurisë Kombëtare, i cili mund të përmbajë mesazhe të ndryshme. Megjithëse komentet e admiral Shamkhani gjatë takimit të tij me Borrell theksojnë aspektet kritike të mosveprimit të SHBA-së dhe Evropës në marrëveshjen bërthamore, Sekretari i Këshillit të Lartë të Sigurisë Kombëtare theksoi praninë e vazhdueshme të Iranit në tryezën e bisedimeve dhe synimin e Teheranit për të arritur një marrëveshje të fortë, të besueshme dhe të qëndrueshme dhe kjo tregon se Irani e sheh ende të hapur dritaren e diplomacisë në negociatat për heqjen e sanksioneve.
Duket se arritja më e rëndësishme e vizitës së Borrelit në Teheran duhet kërkuar në tërheqjen e vëmendjes së zyrtarëve të Republikës Islamike të Iranit për vazhdimin e negociatave dhe përpjekjen përsëri për zgjidhjen e problemeve ekzistuese për të arritur një marrëveshje. Duke iu referuar përpjekjeve të Trupit Koordinues Evropian për Negociatat për zgjidhjen e problemeve dhe zgjidhjen e pikave të mosmarrëveshjes, Joseph Borrell tha: Rezultati i rëndësishëm i vizitës sime në Iran ishte se ne rihapëm ngërçin e fundit dhe rifilluam negociatat e ngecura për marrëveshjen bërthamore. Ai shtoi: Këto bisedime ka të ngjarë të zhvillohen këtu afër Gjirit Persik dhe më konkretisht, në një shtet të Gjirit Persik./parstoday
