Më datën 23 gusht 2022, në përvjetorin e parë të Platformës Ndërkombëtare të Krimesë, u zhvillua online, Samiti i Platformës Ndërkombëtare të Krimesë. Ai do të bashkojë liderët botërorë të shteteve dhe qeverive, organizatat ndërkombëtare në përpjekje të përbashkëta për të forcuar më tej përgjigjen kolektive ndaj pushtimit të përkohshëm të Krimesë nga Rusia.
Ministrja për Evropën dhe Punët e Jashtme, Olta Xhaçka, mori pjesë në samitin virtual “Platforma e Krimesë” të kryesuar nga Presidenti i Ukrainës, Volodymyr Zelenskyy.
Xhaçka theksoi se lufta e tanishme në Ukrainë i ka rrënjët në pushtimin e Krimesë në vitin 2014, pasi sipas saj në atë kohë bota nuk reagoi ashtu siç duhej.
“Shqipëria ka mbështetur në maksimum Ukrainën dhe rezistencën e saj heroike, duke qenë një nga vendet e para që dërgoi municione, duke kontribuar në Konferencën e Donatorëve, duke miratuar ligjin e nevojshëm kornizë që na lejon të mirëpresim në vendin tonë ukrainasit që ikin nga lufta, duke u rreshtuar plotësisht me të gjitha sanksionet e BE-së dhe duke bërë maksimumin në Këshillin e Sigurimit, si bashkëpenëmbajtës me SHBA, për të mbështetur Ukrainën në mënyrë diplomatike dhe për të izoluar Rusinë”, tha ajo.
Sipas saj, çdo vend që beson në të drejtën ndërkombëtare duhet të mbështesë Ukrainën, në mënyrë që veprime të tilla të paligjshme të mos përsëriten nga vende të tjera.
“Duke mos e bërë këtë tani, do të rrezikonte të gjithë rendin e bazuar në rregulla ndërkombëtare, të gjithë arkitekturën e sigurisë në të cilën ne të gjithë mbështetemi për paqen dhe stabilitetin në botë dhe do të inkurajonte çdo vend dhe lider autoritar në botë, që të nisë të njëjtin kurs veprimi”, u shpreh ajo.
“Platforma e Krimesë”, është një mekanizëm ndërkombëtar i krijuar posaçërisht nga Presidenti i Ukrainës Volodimir Zelenski, në vitin 2021, përpara fillimit të agresionit rus në Ukrainë, për të tërhequr vëmendjen ndërkombëtare ndaj problemit të Krimesë, në mënyrë që ta kthejë gadishullin në përbërje të Ukrainës.
Transmetimi i drejtpërdrejtë do të zhvillohet në kanalin YouTube të Platformës së Krimesë (https://cutt.ly/3ZNjvKo), si dhe në kanalin e Ministrisë së Punëve të Jashtme të Ukrainës (https://cutt.ly/qZNjE8m).
Deri më sot, pjesëmarrjen në Samitin e dytë të Platformës Ndërkombëtare të Krimesë kanë konfirmuar gati 6️⃣0️⃣ vende dhe organizata ndërkombëtare. Mes tyre, rreth 4️⃣0️⃣ në nivel presidentësh dhe kryeministrash. Platforma e Krimesë është një format jo vetëm për Krimenë, por për drejtësinë, ligjin ndërkombëtar, respektimin e kufijve dhe pajtushmeria me parimin e integritetit territorial. Prandaj, e gjithë bota është e interesuar për suksesin e Platformës Ndërkombëtare të Krimesë, synimi i së cilës është de-okupimi i Krimesë dhe rivendosja e së drejtës ndërkombëtare.
/Argumentum.al
