Gazeta prestigjioze britanike, “The Economist”, ka analizuar situatën e tensionuar në veri të vendit, me ç’rast ka ngritur alarmin se mund të përshkallëzohet në një konflikt të ri me Serbinë.
Bëhet fjalë për të ashtuquajturën “little green men” (në shqip: burra të vegjël në të gjelbër), që në esencë nënkupton futja e ushtarëve në territor të huaj, si të paidentifikuar, e pa i cilësuar si ushtarë që i përkasin atij shteti, në këtë rast Rusisë.
Ky term gjithashtu asocohet me trupat ruse gjatë luftës në Donbas të Ukrainës, pasi Kremlini refuzoi prezencën e trupave ukrainase në rajon. Ata luftuan të veshur me uniforma pa shenja identifikuese ose u maskuan si separatisë pro-rusë.
Mirëpo më vonë, në prill të vitit 2014, Putin e pranoi publikisht se këto forca ishin ruse, dhe që kishin intervenuar me pretendimin për t’i mbrojtur banorët lokalë dhe për të krijuar kushte për referendum. Ai po ashtu deklaroi se Forcat e Armatosura Ruse kishin bllokuar ato ukrainase gjatë ndodhive në Krime.
Nuk dihet, megjithatë, nëse kjo është një organizatë sekrete paramilitare apo fushatë për t’i bërë njerëzit të besojnë se ekziston një e tillë. Mirëpo, në territorin e Mitrovicës së Veriut, është parë një shenjë ku thjesht shkruan “Ne po presim!”, që raportohet të jetë në relacion me këtë brigadë.
