Kryeministri i Malit të Zi, Dritan Abazovic ndodhet për një vizitë zyrtare në Beograd, ku ka takuar kryeministren e Serbisë, Ana Brnabiq, dhe presidentin e Serbisë, Aleksandar Vuçiq. Gjatë vizitës, liderët thanë se të dy vendet “po kthejnë një faqe të re” në marrëdhëniet e tyre dypalëshe. Temë e takimit ishin çështjet e hapura mes dy vendeve, si dhe prokurimi i ushqimeve.
Duke folur për marrëdhëniet me Serbinë, Abazovic tha se ai po udhëheq një shtet evropian dhe laik në të cilin të gjitha komunitetet fetare do të kenë të njëjtin trajtim.
“Ne jemi këtu për të zgjidhur çdo çështje që mbetet e hapur sipas Kushtetutës dhe ligjit, dhe unë nuk i kushtoj asnjë çështjeje më shumë rëndësi se sa e meriton”, tha Abazovic gjatë konferencës për shtyp në Beograd me kryeministren e Serbisë Ana Brnabiq, raporton FoNet. .
Ai shtoi se do ta udhëheqë vendin pas interesave shtetërore dhe jo partiake, duke aluduar në kundërshtimin e Partisë Demokratike të Socialistëve (DPS) dhe Partisë Socialdemokrate për tekstin e Marrëveshjes Bazë ndërmjet Malit të Zi dhe Kishës Ortodokse Serbe.
“Kam dëgjuar që jam tradhtar, por nuk kam dëgjuar që neni 5 apo 10, apo 11 është i gabuar, se nuk respekton Kushtetutën dhe ligjin. Kjo nuk më prek mua”, ka thënë Abazovic. Ai njoftoi se të enjten do të ketë një takim me Patriarkun e PSC Porfirije.
Abazoviq ka theksuar se në takimin me Bërnabiqin është diskutuar edhe për ekstradimin e ish-presidentit Svetozar Maroviq në Podgoricë. Abazoviq vlerësoi se jo çdo çështje mund të zgjidhet menjëherë.
“Ne nuk mund të bëjmë presion. Ne nuk kemi ardhur për të bërë presion mbi Qeverinë e Serbisë, por për të zgjidhur ato çështje që mund të zgjidhen sot, dhe ato që kanë nevojë për më shumë kohë për t’i zgjidhur”, tha Abazovic.
Ai po ashtu ka deklaruar se bashkë me Brnabiqin e kanë ngritur çështjen e mbajtjes së deputetëve malazezë në kufi, duke besuar se kjo çështje do të zgjidhet. Abazoviq vlerësoi se vizita në Beograd “kthehet një faqe e re” në marrëdhëniet mes dy vendeve dhe se është e panatyrshme që të ketë zhurmë në komunikim.
“Me këtë vizitë ka filluar një cikël i ri, që do të thotë se ne jemi të gatshëm t’u qasemi të gjitha çështjeve të hapura në mënyrë shumë të përshtatshme dhe për të mirën e qytetarëve të të dy vendeve”, tha Abazoviq.
Kryeministrja e Serbisë, Ana Brnabiq vlerësoi sot se vizita e kryeministrit malazez është jashtëzakonisht e rëndësishme për marrëdhëniet mes dy vendeve.
“Ne nuk kemi një vend më afër Malit të Zi, siç e dini nuk ka njeri afër Monenetro-s sesa Serbia, as politikisht dhe as ekonomikisht”, tha Brnabiq, duke theksuar se çështjet e hapura janë grumbulluar vitet e fundit.
Presidenti i Serbisë, Aleksandar Vuçiq ka njoftuar në llogarinë e tij zyrtare në Instagram se i ka mirëpritur kryeministrin Abazovic. Vuçiq ka thënë se me Abazovic ka shkëmbyer mendime për temat aktuale. “Ne ramë dakord që do të vazhdojmë të ndërtojmë marrëdhënie më të mira”, tha Vuçiq.
/Argumentum.al
