"Ballkani i Hapur"/ Kryeministri Rama zhvillon takim online me kryeministrin Kovaçevski dhe presidentin Vuçiç

Një agjenci e përbashkët Shqipëri-Serbi-Maqedoni e Veriut për tërheqjen e investimeve të huaja do të ngrihet në kuadër të ‘Ballkanit të Hapur’. Lajmin e ka bërë të ditur Kryeministri i Maqedonisë së Veriut, i cili ka bërë të ditur se Rama-Vuçiç-Kovaçevski kanë zhvilluar një bisedë online.

“Bashkëpunimi ynë përmes Ballkanit të Hapur është konkret, për një rajon të fortë ekonomikishte, gati për anëtarësim në BE. Nëpërmjet grupeve të përbashkëta të punës, ne së bashku do të kapërcejmë vështirësitë e furnizimit me ushqim dhe energji dhe zjarret e mundshme në të tre vendet këtë verë. Sot në mëngjes me presidentin e Serbisë Aleksandar Vuçiç dhe kryeministrin shqiptar Edi Rama biseduam edhe për krijimin e një agjencie të përbashkët për tërheqjen e investimeve të huaja në Ballkanin e Hapur”, shkruan Kovaçevski.

Ndërkohë nuk ka asnjë prononcim nga vete kryeministri Rama në lidhje me këtë takim online.

/Argumentum.al