Mandatari për kryeministër Dritan Abazovic ka propozuar zyrtarisht strukturën dhe përbërjen e Qeverisë, për të cilën deputetët do të vendosin nesër në seancën e Kuvendit në Cetinje. Ai e bëri këtë në bazë të Programit të Punës të dorëzuar të Qeverisë së 43-të të Malit të Zi dhe angazhimeve programore. Qeveria do të ketë 18 ministri, katër nënkryetarë dhe dy ministra pa portofol, siç ishte paralajmëruar më parë.
Qeveria e re,janë propozuar ministritë e mëposhtme:
– Ministria e Drejtësisë
– Ministria e Brendshme
– Ministria e Mbrojtjes
– Ministria e Financave
– Ministria e Punëve të Jashtme
– Ministria e Zhvillimit Ekonomik dhe Turizmit
– Ministria e Çështjeve Evropiane
– Ministria e Arsimit
– Ministria e Shendetesise
– Ministria e Investimeve Kapitale
– Ministria e Bujqësisë, Pylltarisë dhe Administrimit të Ujërave
– Ministria e Sportit dhe Rinisë
– Ministria e Administratës Publike
– Ministria e Punës dhe Mirëqenies Sociale
– Ministria e Kulturës dhe Medias
– Ministria e Ekologjisë, Planifikimit Hapësinor dhe Urbanizmit
– Ministria e të Drejtave të Njeriut dhe të Pakicave
– Ministria e Shkencës dhe Zhvillimit Teknologjik
dhe dy ministra pa portofol.
Biografitë e Zëvendës kryeministrave dhe Ministrave të propozuar:
• Zëvendëskryeministrja për Politikë të Jashtme, Integrime Evropiane dhe Bashkëpunim Rajonal dhe Ministre e Çështjeve Evropiane, MA Jovana Maroviq, e lindur më 1977 në Kotorr, Doktor në Shkenca Politike dhe Bashkimi Evropian, Ligjëruese dhe Hulumtuese për Integrime Evropiane, Drejtore Ekzekutive e OJQ-ve Politikon Network. ;
• Zëvendëskryeministri për Sistemin Ekonomik dhe Ministër i Bujqësisë, Pylltarisë dhe Menaxhimit të Ujërave, Vladimir Jokoviq, i lindur më 1967 në Pluzhinë, ish-deputet i Parlamentit të Malit të Zi dhe kryetar i Komisionit për Ekonomi, Financa dhe Buxhet,
• Zëvendëskryeministri përgjegjës për sistemin politik dhe politikën e brendshme dhe ministër i mbrojtjes Rashko Konjeviq, MA, i lindur më 1979 në Zenicë. Master i Shkencave në Ekonomi, deputet shumëvjeçar i Parlamentit të Malit të Zi, ish-ministër i Brendshëm (2016) dhe Ministër i Financave (2012-2016);
• Zëvendëskryeministri përgjegjës për zhvillimin rajonal dhe ministër i investimeve kapitale Ervin Ibrahimović, MA, i lindur më 1972 në Rozhaje, ish zëvendëskryeministër i Parlamentit të Malit të Zi;
• Ministri i Drejtësisë Marko Kovaç, i lindur në Podgoricë në vitin 1985, i diplomuar në Fakultetin Juridik të Universitetit të Malit të Zi në Podgoricë, ka punuar në Gjykatën e Lartë, ish-avokat pranë Studios Avokatie Ivanović, Kovač & Vuksanović;
• Ministri i Punëve të Brendshme Filip Adžić, i lindur më 1986 në Cetinje, ish-këshilltar i Zëvendëskryeministrit për Politikë të Brendshme, Siguri, Luftë kundër Korrupsionit të Nivelit të Lartë dhe Krimit të Organizuar;
• Ministri i Financave Aleksandar Damjanoviq, MA, i lindur më 1969 në Podgoricë, magjistër i ekonomisë, deputet shumëvjeçar i Kuvendit të Malit të Zi, ish ushtrues detyre i drejtorit të Drejtorisë së të Ardhurave dhe Doganave;
Ministri i Punëve të Jashtme Ranko Krivokapiq, MA, i lindur më 1961 në Kotorr, magjistër i drejtësisë, ish-kryetar i Kuvendit të Malit të Zi (2003-2016);
• Ministri i Zhvillimit Ekonomik dhe Turizmit Goran Gjuroviq, i lindur më 1972 në Tivar, ekonomist i diplomuar, biznesmen i shquar, filantrop;
• Ministrja e Sportit dhe Rinisë Vasilija Lalošević, e lindur më 1962 në Tivar, gazetare e diplomuar, ish-gazetare, deputete shumëvjeçare dhe ish ushtruese e detyrës së drejtorit të Drejtorisë për Sport dhe Rini;
• Ministër i Administratës Publike Maras Dukaj, MA, i lindur më 1985 në Tuzi, Master i Psikologjisë Shkollore, gazetar dhe profesor shumëvjeçar, drejtor shumëvjeçar i drejtorisë në Ministrinë e Arsimit, ish-menaxher i Komunës së Tuzit;
• Ministri i Punës dhe Mirëqenies Sociale Admir Adroviq, i lindur më 1982 në Rozhaje, i diplomuar për ekonomi, ish-këshilltar afatgjatë i Zëvendëskryeministrit për Zhvillim Rajonal;
• Ministri i Arsimit Miomir Mijo Vojinoviq, MA, i lindur më 1970 në Bijelo Polje, profesor shumëvjeçar, anëtar shumëvjeçar i Asamblesë Federale të RFJ-së dhe Kuvendit të Malit të Zi, këshilltar aktual i Kryetarit të Komunës së Beranës;
• Ministri i Shëndetësisë Dragoslav Šćekić, i lindur më 1977 në Berane, ekonomist i diplomuar, ish-deputet, ish-kryetar i Komunës së Beranës, drejtor aktual i Fondit të Sigurimeve Shëndetësore;
• Ministrja e Kulturës dhe Medias Masha Vlaoviq, MA, e lindur më 1985 në Mostar, magjistër i Teorisë dhe Historisë së Artit Bashkëkohor, ish kuratore dhe ligjëruese në Universitetin e Donja Goricës;
• Ministrja e Ekologjisë, Planifikimit Hapësinor dhe Urbanizmit Ana Novakoviq-Gjuroviq, e lindur më 1985 në Podgoricë, e diplomuar në shkenca politike, aktiviste e gjatë e OJQ-ve;
• Ministri i të Drejtave të Njeriut dhe të Pakicave Fatmir Đeka, i lindur në Tivar në vitin 1975, i diplomuar në ekonomi, ish-kryetar i Komunës së Ulqinit, deputet shumëvjeçar i Kuvendit të Malit të Zi;
• Ministrja e Shkencës dhe Zhvillimit Teknologjik Dr. Biljana Shqepanoviq, e lindur më 1973 në Podgoricë, ka doktoruar në inxhinieri ndërtimore, ish-kryetare e Komisionit për Studime Doktorale në Fakultetin e Inxhinierisë së Ndërtimit, Universiteti i Malit të Zi;
• Ministri pa portofol Zoran Miljanić, i lindur më 1965 në Podgoricë, i diplomuar në degën e sigurisë, ish deputet i Kuvendit të Malit të Zi, sekretar aktual shtetëror në MPB;
• Ministri pa portofol Adrijan Vuksanoviq, i lindur më 1980 në Kotorr, i diplomuar në degën e energjetikës, ish-deputet.
Kërcënimet
Megjithatë përpara prezantimit të përbërjes së qeverisë së re, sot Mali i Zi u trondit nga disa emaile kërcënuese për sulme me bomba në disa shkolla të vendit dhe në institucionet qeveritare.
Emailet kërcënuese që raportonin për bomba mbërritën në shkolla pothuajse në të gjitha qytetet malazeze, duke përfshirë Podgoricën, Nikshiqin, Tivarin, Cetinjen, Herceg Novi, Bijelo Polje…
Në tekstin e emaileve kërcënuese thuhet se “në territorin e shkollës janë vendosur shumë bomba”.
“Ne kemi ëndërruar gjithmonë për hakmarrje. Do të hakmerremi, do të vijmë në shkollë. Do t’i vrasim të gjithë. Askush nuk do të mbetet gjallë. I gjithë qyteti do të rrjedh gjak”, thuhej në email.
Janë kontrolluar shkollat në Cetinje, si dhe objekti i komunës dhe është konstatuar se nuk ka mjete shpërthyese, ka bërë të ditur kryetari i komunës Nikolla Gjurashkoviq.
“I bëj thirrje autoriteteve që të ngrenë nivelin e sigurisë së përgjithshme në maksimum dhe të parandalojnë situata të ngjashme në të ardhmen duke zbuluar autorët”, tha Gjurashkoviq.
Dritan Abazoviq, tha se nuk ka arsye për panik dhe se është tentim për të krijuar tensione dhe për të sjellë trazira.
“Qytetarët duhet të ndihen të sigurt, nuk ka arsye për panik. Policia vepron në përputhje me ligjin dhe kontrollohen të gjitha objektet. Është një përpjekje për të krijuar tensione dhe për të sjellë trazira. Ka ndodhur për herë të parë, nuk ka rrënim në sektorin e sigurisë, asgjë nuk ka ndodhur për herë të fundit dhe shpresojmë që të jetë kështu edhe këtë herë”, tha Abazovic.
“Nëse bombat kërcënojnë strukturat që nuk duan qeveri, është e mundur, por nuk duan asnjë qeveri”, tha Ai.
Ndërsa Presidenti i vendit Milo Gjukanovic që tashmë e mbështet një qeveri nga Dritan Abazovic e ka lidhur kërcënimin e sotem me krijimin e qeverisë së re neser në Centinje
Presidenti i Malit të Zi, Milo Gjukanoviq u ka bërë thirrje institucioneve kompetente që urgjentisht të zbardhen kërcënimet, të gjenden autorët, organizatorët dhe ekzekutorët.
“Siguria e fëmijëve, si kategoritë më të cenueshme të shoqërisë, dhe të gjithë qytetarëve, duhet të jetë prioritet absolut i shtetit dhe secilit individ”, tha Gjukanoviq.
Ai në llogarinë e tij në Twitter e ka lidhur këtë ngjarje me zgjedhjet e ardhshme të qeverisë së re, e cila është caktuar për të enjten, më 28 prill.
“Ne nuk duhet të lejojmë që arsimi të vuajë për shkak të atyre që synojnë të provokojnë situata emergjente dhe të destabilizojnë shtetin përpara zgjedhjes së një qeverie të re, në prag të sezonit turistik,” tha Gjukanoviç.
Kërcënimet e mëparshme me bombë – të pazbuluara
Kërcenime të ngjashme me bomba në Mal të zi ka patur edhe në fillim të muajit prill por Policia ende nuk ka zbuluar se kush dërgoi kërcënime të ngjashme me e-mail në disa shkolla në Mal të Zi më 1 prill.
Drejtoria e Policisë bëri të ditur se është konstatuar se emailet janë dërguar nga domenet, serverët e të cilëve ndodhen jashtë vendit dhe se po punohet për identifikimin e dërguesve.
/Argumentum.al
