Presidenti i Serbisë, Aleksandar Vuçiç, tha se nuk mund të vlerësojë për momentin se sa real është rreziku që Kosova të bëhet anëtare e NATO-s, por, sipas tij, situata “nuk është aspak naive”.
Duke folur në një ngjarje në Kragujevc të Serbisë, Vuçiq tha se ka dëgjuar për këtë ide rreth gjysmë viti më parë nga shërbimet e sigurisë serbe.
Sipas tij, kjo është “ide e lobistëve shqiptarë, e disa politikanëve nga Bashkimi Evropian dhe Amerika, që t’i detyrojnë vendet e BE-së, që janë anëtare të Aleancës [së NATO-s] dhe që nuk e kanë njohur Kosovën, që ta bëjnë këtë”.
Vuçiq tha se kjo mund të jetë “një justifikim për disa, që të thonë se duhet ta njohin Kosovën, sepse nuk kanë rrugëdalje tjetër” dhe se “nuk mund të jenë kundër kësaj”.
“Kjo do të ishte një përpjekje për të na vënë përpara një akti përfundimtar, për të na thënë se ju jeni të vetmit që keni mbetur për ta njohur pavarësinë e Kosovës”, tha Vuçiq.
I pyetur nëse Serbia do t’i bartë pasojat e mos vendosjes së sanksioneve ndaj Rusisë, si dhe për të komentuar postimin e Carl Bildt në Twitter se Serbia mund t’i thotë lamtumirë BE-së, presidenti i Serbisë theksoi se bëhet fjalë për ngacmimin më të fortë ndaj të dobëtit.
“Nuk mbaj mend një situatë kaq të vështirë, për të cituar Lausevicin, “Një vit kalon, por një ditë kurrë”. “Unë jam plakur në tre ditët e mëparshme po aq sa në dekadën e mëparshme,” tha Vuçiq, duke komentuar situata në Ukrainë dhe presioni ndaj Serbisë për të vendosur sanksione ndaj Rusisë.
Duke folur për kërkesën e të ashtuquajturës Kosovë që të pranohet urgjentisht në NATO, Vuçiq thekson: “Për herë të parë kam dëgjuar para nja dy muajsh, nuk është ide e shqiptarëve nga Kosova, është ide e lobistët e tyre në BE dhe SHBA”, tha presidenti i Serbisë.
“Pse kanë rëndësi për ta? Së pari, duan të detyrojnë katër shtete të BE-së, që janë anëtare të NATO-s, të njohin pavarësinë e të ashtuquajturës Kosovë. Nuk mund të bëhesh anëtar i NATO-s nëse nuk je shtet. Se është një rrugë, por edhe një justifikim për disa vende që ta pranojnë këtë dhe të thonë se duhet sepse nuk kemi rrugëdalje tjetër”, shpjegoi ai.
Vuçiq përmendi si një arsye tjetër përpjekjen për ta vënë vendin tonë në një situatë të kryer, sepse, siç thotë ai, dikush dëshiron të na thotë “vetëm ju ngeleni ta njihni Kosovën dhe nuk keni zgjidhje”.
“Nuk mund ta vlerësoj për momentin se sa real është rreziku, por për ne nuk është aspak naiv. Por mesazhi im për qytetarët është se sado që ta njohin Kosovën dhe çfarëdo që të bëjnë, ndryshe nga ata, Serbia do të qëndrojë. për të drejtën ndërkombëtare publike, për Kartën e OKB-së, për respektimin e integritetit territorial të vendeve të njohura ndërkombëtarisht, dhe kjo është Serbia, jo Kosova, kjo është e sigurt, që do të thotë se pavarësisht nga të gjitha presionet dhe shantazhet, pavarësisht se çfarë mendon dikush, Serbia do të ruajë integritetin e saj territorial”, tha ai.
“Çdo gënjeshtër kundër Serbisë lejohet, por mos harroni, Serbia është mësuar të nëpërkëmbet, a duhet t’ua kujtoj 24 marsin, atë që i keni bërë Serbisë 23 vjet më parë dhe prandaj jemi për respektin. të së drejtës ndërkombëtare dhe për këtë ne nuk mund ta mbështesim sulmin ndaj Ukrainës”, ka përfunduar presidenti i Serbisë.
Një ditë më parë Ministri i Mbrojtjes së Kosovës, Armend Mehaj ka kërkuar nga komandanti i Misionit të NATO-s në Kosovë (KFOR), gjeneralmajor Ferenc Kajar, të shtojë trupat e këtij misioni në veri të Kosovës. Mehaj tha të dielën se Evropa dhe bota po përballen me një sfidë serioze të sigurisë, pas agresionit të rëndë të Rusisë ndaj Ukrainës.
“Ekziston nevojë e madhe që vendet demokratike të ndërmarrin hapa vendimtarë dhe të bashkohen përballë një sfide të tillë. Kosova ka treguar një përkushtim të fuqishëm ndaj vlerave demokratike dhe paqes. Ne u bëjmë thirrje vendeve që nuk e kanë njohur pavarësinë, të mos hezitojnë ta bëjnë këtë”, tha ai.
Mehaj po ashtu përsëriti thirrjen e tij ndaj Shteteve të Bashkuara të Amerikës për të vendosur një bazë të përhershme ushtarake në Kosovë, për të forcuar, siç tha, paqen dhe stabilitetin në rajon dhe më gjerë.
