Kryeministri Rama zhvilloi sot një bashkëbisedim me eksperten e Qendrës Europiane të Këshillit të Atlantikut, Rachel Rizzo, në kuadër të Forumit Publik të Samitit të NATO-s, që po zhvillon punimet në Vilnius, Lituani.
Në këtë bashkëbisedim Kryeministri Rama ka parashtruar qëndrimin e tij përballë disa temave kyçe në vend, rajon dhe botë.
I pyetur mbi turin ballkanik dhe aksesit të vendeve të Ballkanit Perëndimor në BE, Rama u shpreh se “gjithmonë kam folur që negociatat duhet të hapen sa më shpejt që të jetë e mundur dhe më pas anëtarësimi duhet të vijë kur të vijë”.
“Pra, nuk kemi pse të nxitohemi. Ne duhet të mësojmë që të drejtojmë makinën me shpejtësi nga më të ndryshmet dhe mos të thërrasim me të madhe që sapo të kemi patentën, të marrim makinën, se më pas aksidentojmë të tjerët dhe kemi pasoja”, u shpreh Rama.
Rama theksoi se në kohën që po jetojmë, duhet një përqasje tjetër nga BE-ja për sa i përket të bërit më shumë, që ta bëjë Ballkanin të integruar dhe së pari nga ana financiare.
“Çfarë ndodhi gjatë këtyre krizave? Në fakt e ka zgjeruar boshllëkun midis nesh, pra si vende të Ballkanit Perëndimor me BE-në dhe kjo bazuar në llogaritje të thjeshta të parave që janë shpërndarë midis vendeve anëtare. Vendet tona anëtare që janë fqinje, pjesë e BE-së, i kishin të gjitha paketat dhe kontributet për të tejkaluar pandeminë, krizën energjetike, këtë apo tjetrën, gati 4800 euro për frymë. Ne kemi gati 1320 euro për kapital. Pra, disa fonde para aderimit duhet të strukturohen dhe negociatat politike dhe këto duhet të kombinohen me reforma me BE-në, sepse vendimmarrja e BE-së është një rrëmujë. Pra, nuk janë në gjendje që t’i marrin të gjitha vendimet me 27 vende. Të shtosh 6 dhe nga Ballkani që sjellin shumë entuziazëm dhe gëzim, por jo durim, nuk do ta bëjë procesin e vendimmarrjes më të lehtë, supozoj”, tha Rama.
“Pra duhet të jetë diçka e kombinuar, por në përfundim mund të themi çfarë të duam për BE-në, por një gjë është e sigurt, pa BE-në ne nuk do të ishim në gjendje të bënim as 90 % të atyre që kemi kryer në 30 vitet e fundit dhe pa SHBA, që kanë dhe ata gjithashtu problemet e tyre dhe ne mund të themi çfarë të duam, por ne nuk do të ishim në gjendje të mbijetonim si komb shqiptar”, shtoi ai.
Rama tha se asnjëherë nuk duhet ta harrojmë që jemi të bekuar që të jemi në zemër të Europës dhe të kemi këto dy aleanca strategjike të mëdha si SHBA dhe BE. “Dhe sigurisht pasi të kemi kryer detyrat gjatë ditës, në mbrëmje mund të tallemi me ta, sepse pa shakatë dhe humorin, Ballkani do të kishte vdekur me kohë”, shtoi ai.
Kryeministri Edi Rama u shpreh sot lidhur me situatën në veri të Kosovës, ndërsa theksoi se “është koha që të kombinohet dialogu i lehtësuar nga BE, rruga diplomatike, me një qëndrim më të fortë të NATO-s nëpërmjet KFOR-it”.
Kosova
I pyetur mbi situatën në veriun e Kosovës, Rama tha se ndjehet i lehtësuar nga fjala e presidentit Biden sot në Këshill.
“Problemi i Ballkanit Perëndimor sot në lidhje me sigurinë ndoshta mund të mos jetë në të njëjtën madhësi të problemit të madh ukrainas, por nuk është aq i vogël sa të trajtohet si diçka e pavlefshme dhe çka po ndodh është diçka me të vërtetë shumë e rrezikshme me pjesën e veriut të Kosovës, që mund të bëhet një vatër zjarri me një kërcënim të hapjes së konfliktit”, shtoi Rama.
Sipas tij, “teksa lehtësimi i dialogut të BE-së punon me të dyja palët, me Beogradin dhe me Prishtinën, ka një palë të tretë që është duke u ngritur, që janë pikërisht grupet ekstreme në veriun e Kosovës”.
“Aty është krijuar në vite si një vend parajse për aktivitete kriminale të trafikimit të drogës, armëve, prodhimit të kriptomonedhave dhe kjo përzierje e politikanëve lokalë me botën kriminale dhe me një përzierje të interesave të mafies përballë shqetësimeve kombëtare dhe të drejtave të njeriut, mund të jetë me të vërtetë një situatë shpërthyese”, tha Rama.
Kryeministri Edi Rama ka deklaruar se veriu i Kosovës rrezikon që të kthehet në një vatër zjarri me një kërcënim të hapjes së konfliktit. Kryeministri Rama kërkoi që NATO të mbaj një qëndrim më të fortë nëpërmjet KFOR-it ndërsa bëri thirrje që Kosova dhe Serbia të ulen në truezë e të zgjidhin situatën nëpërmjet dialogut.
‘Diçka që po ndodh që është vërtetë shumë e rrezikshme me pjesën e Kosovës së Veriut që të bëhet një vatër zjarri me një kërcënim të hapjes së konfliktit. Ndërsa lehtësimi i dialogut të BE punon me të dyja palët, Beogradin dhe Prishtinën, ka një palë të tretë që është duke u ngritur, që janë grupet ekstreme në veri, ku është krijuar ndër vite si vend parajsë për aktivitetet kriminale, trafikimit të drogës, armëve, prodhimit të kriptomonedhave. Aty kjo përzierje e politikaneve lokalë dhe interesave të mafias përballë shqetësimeve kombëtare të të drejtave të njeriut, mund të jetë një situatë shpërthyese, prandaj është koha të kombinojmë këtë dialog të lehtësuar nga BE -ja me një qëndrim më të fortë të NATO-s nëpërmjet KFOR-it.’- tha Rama.
Ukraina
Kryeministri theksoi se “ka një qëllim të plotë për të vazhduar dhe mbështetur Ukrainën pa asnjë mëdyshje dhe të gjithë duket se janë të përkushtuar për të investuar më shumë në sektorin e mbrojtjes që është një lidhje direkte e asaj që po ndodh në Ukrainë”.
“Për ne vjen natyrshëm, sepse ne e kemi mësuar vlerën e lirisë dhe demokracisë gjatë gjithë jetës së shtetit tonë. Ne kemi qenë të deprimuar pikërisht nga të drejtat, me metodat më brutale të para ndonjëherë brenda perandorisë komuniste. Shqipëria është një vend ku popullariteti i Vladimir Putinit shkon nga 0.7-1.2 %. Pra ne nuk kemi asgjë tjetër tjetër përveç një mirëkuptimi të plotë dhe mbështetje të plotë nga i gjithë opinioni publik në Shqipëri. Pyetja e madhe që shtrohet është gjithmonë se si demokracitë mund t’i bëjnë ballë një diktatori ose një regjimi diktatorial në një konflikt, sepse demokracitë duhet të luftojnë dhe në të njëjtën kohë duhet të dëgjojnë njerëzit, ndërsa Vladimir Putini nuk ka kë të dëgjojë”, tha ai.
MEK/ Rama: Hapëm dyert që MEK të ishin të sigurt, jo të kthenin Shqipërinë në platformë politike kundër regjimit
Kryeministri Edi Rama u shpreh sot se Shqipëria hapi dyert për opozitën iraniane (MEK) dhe marrëveshja ishte e qartë, se ata do të qëndronin në Shqipëri për të qenë të sigurt dhe jo për ta kthyer Shqipërinë në një platformë politike përkundër regjimit.
I pyetur mbi sfidën me sulmet kibernetike, Rama u shpreh se “kjo është një sfidë tejet e madhe dhe besoj se do të zmadhohet edhe më tej me hyrjen në jetën tonë të inteligjencës artificiale në shkallë të gjerë”.
“Ne jemi një vend i vogël dhe nuk jemi në një pozitë për të ndryshuar fatin e ndonjë lufte apo konflikti e beteje, por kur ne na kërkohet që të ndihmojmë jemi më se të lumtur ta bëjmë, sepse jo çdo ditë mund të jesh i dobishëm duke qenë kaq i vogël dhe jo çdo ditë në këtë jetë dikush të kërkon ndihmë”, tha Rama.
Kryeministri theksoi se praktikisht ne na u kërkua që të ndihmojmë me grupin MEK, grupin opozitar iranian.
“Që janë një kafshatë e fortë me thënë të drejtën, sepse përndryshe ata do të ishin masakruar nga shërbimet sekrete iraniane. Ne na u kërkua që të shpëtojmë jetët e tyre dhe të shpëtojnë jetë shqiptarët e kanë në ADN e tyre. Kjo është në histori, sepse jemi i vetmi vend në Europë me popullatë më të madhe hebreje, pasi gjatë Luftës asnjë hebre nuk iu dorëzua nazistëve. Ishim shumë të lumtur të prisnim 500 mijë refugjatë që po i shpëtonin spastrimit etnik në Kosovë nga regjimi i Millosheviçit. Hapëm dyert për afganët nga Kabuli, mijëra prej tyre erdhën dhe u shpëtuan në Shqipëri”, shtoi Rama.
Kryeministri tha se Shqipëria bëri të njëjtën gjë edhe me këtë grup opozitar iranian, por nuk është e njëjta në kuptimin e rrezikut, sepse janë opozita iraniane.
“Megjithëse marrëveshja ishte e qartë se ata do të qëndronin në Shqipëri për të qenë të sigurt dhe jo për ta kthyer Shqipërinë në një platformë politike përkundër regjimit, fatkeqësisht disa ngjarje ndodhën. Ne u sulmuam në një sulm me shkallë të gjerë, shumë i avancuar për sa i përket shërbimeve kompjuterike dhe ishim një vend kryesor në Europë që jepnim shërbime online dhe ne u prekëm”, tha Rama.
Kryeministri theksoi se për të rritur sigurinë tonë kibernetike kërkohet më shumë mbështetje nga Kongresi dhe nga Senati, por kjo nuk është tashmë në lajme dhe kur nuk je në lajme nuk ke më problem.
Rama theksoi se Shqipëria po përpiqet të bëjë gjithçka për të fuqizuar sigurinë kibernetike, por nuk është e lehtë.
I pyetur mbi mbështetjen e palës amerikane në këtë drejtim, Rama tha: “Varet çfarë do të thotë kuptimplotë për ju dhe çfarë mbështetje po marrim. Jo, nuk janë mbështetës të plotë, aq sa ne do të donim. Le ta themi hapur”.
Rusia dhe Kina martesa të vjetra, të cilave nuk do të donim t’ju ktheheshim
Gjatë fjalës së tij, kryeministri i vendit, Edi Rama, është shprehur se Kina dhe Rusia janë martesa të vjetra, të cilave Shqipëria nuk do të donte t’ju rikthehej.
‘Nuk jam në pozitën më të mirë për të dhënë këshilla ose t’i jap leksione të tjerëve në lidhje me historinë. Ne e kemi pasur Kinën dhe Rusinë kur të gjithë vendosën që t’i lëshonin ato dhe nëse në këtë vend jemi sot apo në vendet e ish-Bashkimit Sovjetik, statujat e Stalinit u hoqën në bulevarde, ne ende e kishim sepse ne e lamë Bllokun Komunist dhe Traktatin e Varshavës në vitin 1960 dhe arsyeja ishte që ne do të donim të ishim besnikë ndaj Stalinit dhe për ne, të gjthë të tjerët ishin tradhtarë. Më pas, u bashkuam me Kinën dhe bëmë revolucionin kinez me ta që na erdhi në formën e një deklarimi që “Zoti është i paligjshëm” dhe shkatërruan kisha e ndërtime fetare në vitet 60′. Rusia dhe Kina martesa të vjetra, të cilave nuk do të donim të ju ktheheshim. Me Kinën dhe Rusinë nuk kemi pasur marrëdhënie. Nga 1990 që kur morëm lirinë nuk ndodhi ndonjë vizitë zyrtare nga Moska, me Kinën është ndryshe sepse kemi marrdhënie miqësore dhe ne nuk ëshyë se mirëpresim kaq fort investimet kineze. Nuk do që t’i kthehesh martesës së vjetër.’- tha Rama.
Kryeministri Rama u shpreh se Kina për Shqipërinë nuk është as armik dhe as kundërshtar, por është konkurrent.
‘Kina për ne nuk është armik dhe as kundërshtar, por është konkurrent. Ne duhet të jemi të mirëpërgatitur për të patur më shumë mirëkuptim dhe më shumë forca të bashkohen me ne për t’u përballur për të ardhmen.’- tha Rama.
/Argumentum.al
