Gjatë vizitës së tij në Xhakartë, Kryeministri i Kinës Li Qiang u tha sipërmarrjeve se vendi ka bërë përgatitje të plota për të përballuar goditjet e jashtme.
Duke iu drejtuar një simpoziumi për sipërmarrjet kineze që operojnë në Indonezi, Li tha se që nga fillimi i vitit, ekonomia e vendit ka vazhduar rimëkëmbjen dhe përmirësimin, veçanërisht tregtia e jashtme, e cila po tregon rezistencë të fortë.
Në aktivitet morën pjesë përfaqësues nga kompani si China Energy Investment Corporation, Huawei, SAIC Motor, New Hope Group, Tsingshan Holding Group dhe TCL Technology Group.
Foto nga VCG
Pasi dëgjoi vërejtjet nga përfaqësuesit e sipërmarrjeve, Li tha se aktualisht rendi ndërkombëtar ekonomiko-tregtar po ndikohet rëndë. Fragmentimi i zinxhirëve industrialë dhe atyre të furnizimit është thelluar. Barrierat tregtare janë shtuar duke pasur një ndikim të rëndësishëm në zhvillimin ekonomik të të gjitha vendeve, tha ai.
Teksa përballet me rreziqet dhe sfidat, Kina ka intensifikuar makropolitikat kundërciklike. Gjithashtu ka zbatuar politika fiskale më proaktive dhe politika monetare mesatarisht të lirshme, tha Li.
Kina po prezanton masa përkatëse për të stabilizuar punësimin dhe ekonominë, tha ai. Vendi po kërkon dhe po përgatit instrumenta të reja politike, përfshirë disa masa të jashtëzakonshme, të cilat do të zbatohen menjëherë në përgjigje të rrethanave në zhvillim. Sipas tij, Kina ka besimin dhe aftësinë për të nxitur përmirësimin e qëndrueshëm të paraqitjes ekonomike.
Li tha se Kina do të vazhdojë të forcojë bashkëpunimin ekonomik dhe tregtar me më shumë vende. Do vazhdojë të krijojë një mjedis të favorshëm për zhvillimin e sipërmarrjeve kineze jashtë vendit dhe të ofrojë më shumë mundësi dhe mbështetje, duke përfshirë edhe mbështetje më të fortë politike.
Foto nga VCG
Kryeministri shprehu shpresën se sipërmarrjet kineze do të vazhdojnë të përpiqen për përsosmërinë, të forcojnë pozicionet e tyre në Indonezi dhe të zgjerojnë bizneset në të gjithë Shoqatën e Kombeve të Azisë Juglindore.
Sipërmarrjet kineze duhet të përmbushin me zell përgjegjësitë sociale, të mbështesin operacionet në përputhje me rregullat dhe të integrohen më mirë, për të kontribuuar në mënyrë aktive në zhvillimin ekonomik lokal, tha Li. Ai shtoi se ato duhet të shërbejnë si ambasadorë miqësorë për të rritur shkëmbimet mes Kinës dhe pjesës tjetër të botës, të përpiqen për arritje më të mëdha, si edhe të ndjekin një rritje akoma më të mirë në skenën globale./CGTN
