Presidenti i sapozgjedhur i Maqedonisë së Veriut, Stevo Panderovski i është shtuar listës së gjatë të politikanëve që kanë kundërshtuar me forcë korrigjimin e kufijve Kosovë-Serbi.
Në një takim që presidenti dhe ministrie mbrojtjes të Maqedonisë së Veriut zhvilluan me shefin e shtatmadhorisë së ARM, Pandervoski tha se një vendim i tillë do të prodhonte gjithmonë probleme shtesë mes dy shteteve, duke theksuar se Kosova dhe Serbia duhet të përqendrohen në afrimin e paqes dhe bashkëjetesës dhe duhet të lënë mënjanë ndasitë dhe problemet e forta që kanë mes tyre.
Presidenti Panderovski është shprehur: “Është e patolerueshme që të flitet për një ide të tmerrshme për shkëmbim të territoreve në shekullin 21. Herën e fundit një gjë e tillë ka ndodhur me mbështetjen e fuqive të mëdha para rreth një shekulli, në vitin 1923. Pyetni grekët dhe turqit se si edhe ditët e sotme kanë pasoja nga shkëmbimi i territoreve. Nuk mund as të mendoj se mund të ndodh diçka më e keqe, se sa dikush të mendojë seriozisht t’i qaset ekzekutimit të një projekti të tillë”.
Në vijim të kësaj deklarate ministrja e mbrojtjes e shteti fqinj, Radmilla Sheqerinska, tha se tensionet mes shteteve fqinje ndikojnë negativisht edhe në vendet e tjera të rajonit.
“Edhe ne por edhe i gjithë rajoni jemi të vetëdijshëm që cënimi i sigurisë tek fqinjët tanë gjithmonë ka pasoja negative. Në vend që të frikësohemi si shtet dhe si qeveri vendosëm që të marrim masa. Prandaj në vitin 2017 fokusin tonë e vendosëm në anëtarësimin në NATO, që ta sigurojmë shtetin tonë dhe të kemi garancinë plotësuese të sigurisë edhe në rast të jo-stabilitetit rajonal” mbështeti presidenti Panderovski ministrja, raporton Dita duke iu referuar Alsat.
