Ministrja e Ekonomisë e Gjermanisë, Katherina Reiche, u detyrua të strehohej në një bunker gjatë sulmeve ajrore ruse në kryeqytetin ukrainas, Kiev, gjatë natës.
Ishte një përvojë e dhimbshme për të, por për fat të keq një pjesë e trishtueshme e jetës së përditshme për ukrainasit, tha ajo në një konferencë për shtyp të shtunën.
“Ajo natë më tregoi edhe një herë shumë qartë se sulmet e Rusisë ndaj popullsisë ukrainase synojnë ta dobësojnë atë”, tha ajo.
Të paktën dy persona u vranë dhe 12 të tjerë u plagosën në sulm.
Reiche mbërriti në Ukrainë të premten me një delegacion ekonomik për një vizitë disaditore. Sulmet ndaj furnizimit me energji elektrike dhe ngrohje pak para fillimit të dimrit janë një rrezik, tha ajo në Kiev. Ajo i premtoi Ukrainës ndihmë për të rindërtuar infrastrukturën e saj të shkatërruar energjetike dhe tha se Gjermania nuk do ta braktisë popullin ukrainas.
Presidenti Volodymyr Zelensky njoftoi se Rusia kishte përdorur nëntë raketa balistike përveç dhjetëra dronëve në sulmin e natës.
Që nga fillimi i vitit, Rusia ka qëlluar pothuajse 770 raketa balistike dhe më shumë se 50 raketa lundrimi në vendin e tij./dpa-argumentum.al
