Nesër nisin bisedimet me Maqedoninë e Veriut dhe Shqipërinë/ Borrel: Moment historik

Përfaqësuesi i Lartë i Bashkimit Josep Borrell deklaroi sot se BE-ja ka zhbllokuar fillimin e negociatave të anëtarësimit me Maqedoninë e Veriut dhe me Shqipërinë. Borrell e përmendi këtë temë në fjalën e tij pas mbërritjes në mbledhjen e Këshillit të Punëve të Jashtme

“Ky është një moment historik, pas kaq vitesh pritjeje me statusin e kandidatit, pa ndodhur asgjë, votimi përfundimtar në Parlamentin e Maqedonisë së Veriut ka hapur një derë. Dhe nesër, konferenca ndërqeveritare do të nisë procesin e negociatave – një proces i shumëpritur”, tha Borrell.

Ai theksoi se ky është një lajm i mirë.

“Nuk kemi shumë lajme të mira, ky është një lajm i mirë. Shpresoj se kjo do të rrisë angazhimin tonë me Ballkanin”, tha Borrell.

Më 16 korrik, parlamenti i Maqedonisë së Veriut miratoi konkluzione me të cilat miratoi propozimin francez për fillimin e bisedimeve të anëtarësimit me 68 nga 120 vota.

Që atëherë pritej që Konferenca Ndërqeveritare me vendin të mbahej më 19 korrik. Këshilli duhet të miratojë paraprakisht Kornizën Negociuese për Maqedoninë e Veriut dhe Shqipërinë.

Një ditë më vonë, në Sofje u nënshkrua një protokoll dypalësh midis Bullgarisë dhe Maqedonisë së Veriut.

/Argumentum.al