Presidenti i SHBA-ve, Donald Trump paraqiti një ditë më parë planin e paqes mes Izraelit dhe Palestinës. Por, deri tani ky plan nuk ka gjetur aspak mbështetje tek politikanët palestinezë.
Mustafa Barghouti, një prej politikanëve që luftuar gjithnjë për protestë jo të dhunshme, e konsideron planin “vrasës të paqes”.
“Ky nuk është një plan për paqen por praktikisht vret paqen. Për fatin e keq plani amerikan i lejon Izraelit të aneksojë territoret e pushtuara, si p.sh aneksimi i Jerusalemit që duhet të jetë kryeqyteti i Palestinës”, u shpreh z. Barghouti në një interviste për Euronews Albania.
Sipas tij, zgjidhje do të ishte krijimi i dy shteteve reale ose një shtet i përbashkët, ku izraelitët të mos dominojnë.
“Kam luftuar gjatë gjithë jetës sime për paqe, kam qenë gjithnjë avokat i rezistencës jo të dhunshme. Por, nuk mund të ketë paqe kur njëra anë kontrollon jetën e tjetrit. Izraeli na merr ujin tokën dhe thotë se nuk duhet të keni identitet. Zgjidhja është për dy shtete reale ose së bashkë të jetojmë në një shtet demokratike’, deklaroi Barghouti.
Ai shton më tej se, prej 29 vitesh palestinezët kanë dialoguar me izraelitët për gjetjen e një zgjidhjeje, por asgjë nuk ka funksionuar pasi Izraelit vijon të mbajë të pushtuar tokën palestineze.
Barghouti, tha se populli palestinez e ka pritur me zhgënjim të thellë planin e paraqitur nga Trump.
“Me frustrim dhe zhgënjim të thellë, ka ndjenjë të fortë kundërshtie për të mos hequr dorë. Kemi besim të fortë dhe ne jemi të destinuar për të pasur lirinë dhe dinjitetin tonë. Shpresat tona janë të mëdha se një ditë do të jemi krah për krah me Izraelit në paqe dhe prosperitet”, përfundoi z. Barghouti.
