Kryeministri Edi Rama ka zhvilluar ditën e sotme një mbledhje me drejtuesit e qarqeve, të cilët do të drejtojnë fushatën për zgjedhjet parlamentare që do të mbahen më 25 Prill 2021.
Takimi që zgjati rreth një orë u zhvillua në selinë e PS dhe u fol rreth organizimit të zgjedhjeve, ndërsa porosia e Ramës ka qenë kryesisht për shërbimet e qytetarëve.
Për herë të parë në mbledhje është Adrian Çela, koordinator për qarkun Durrës. Çela zëvendëson ish-kryebashkiakun e Durrësi, Vangjush Dakon në këtë post, pasi kryeministri Edi Rama e mori përkohësisht këtë vend.
Mësohet se Adrian Çela, drejtor i OSSHE-së, ka marrë rolin e koordinatorit politik të PS-së në qarkun e Durrësit dhe i ka paraqitur kryeministrit dosjen me problematika të qytetit bregdetar.
Kjo mbledhje vjen pas takimit të grupit parlamentar socialist, ku u diskutua rreth organizimit të asamblesë por edhe për situatën në Këshillin Politik. Ky është takimi i tretë brenda 10 ditëve i Ramës me drejtuesit e qarqeve.
Dy të parat u realizuan më 9 Shtator dhe 14 Shtator. Kujtojmë se në njërën prej mbledhjeve, u diskutua se sigurimi i 74 mandateve ka qenë kusht, por tani sipas përllogaritjeve të tyre do të mund të sigurojnë 80 mandate.
Madje drejtuesit e politikë në PS, kanë bërë një tabelë përllogaritëse para strukturave, ku kanë matur sesa vota mund të sigurojnë në çdo qark dhe në përfundim u ka rezultuar se arrijnë të marrin 80 mandate.
Drejtuesit e rinj politik në qarqe janë:
Tiranë; Qarku – Elisa Spiropali, Ervin Bushati; Bashkia Tiranë – Erion Veliaj
Durrës – Adrian Çela
Elbasan – Taulant Balla;
Korçë – Niko Peleshi
Vlorë –Damian Gjiknuri
Lezhë – Lindita Nikolla
Shkodër – Ilir Beqaj
Kukës – Safet Gjici
Fier – Gramoz Ruçi
Dibër – Olta Xhaçka
Gjirokastër – Bledi Çuçi.
