Ky vit shënon 20-vjetorin e konceptit të “Dy maleve” të propozuar nga presidenti Xi Jinping, i cili i quan ujërat e kthjellëta dhe malet e gjelbra si pasuri të paçmueshme, të krahasueshme me arin dhe argjendin e legjendës. Një sondazh global me opinionin i publikuar nga CGTN- i, që përfshin 24 515 pjesëmarrës nga 48 vende, tregon mbështetje të gjerë ndërkombëtare të konceptit të “Dy maleve” të Kinës. Sondazhi nxjerr në pah miratimin e fortë të qeverisjes ekologjike të Kinës dhe përpjekjeve të tranzicionit të gjelbër, duke forcuar imazhin global të Kinës si një forcë udhëheqëse dhe e përkushtuar në qeverisjen klimatike dhe mjedisore.
Lidhur me perceptimet e koncepteve të qeverisjes ekologjike dhe zhvillimit të gjelbër të Kinës, të anketuarit ishin më të njohur me konceptin “Ujërat e kthjellëta dhe malet e gjelbra janë pasuri të paçmueshme”, të ndjekura nga idetë që “qeverisja ekologjike duhet të shndërrohet në një veprim të vetëdijshëm nga i gjithë populli kinez”, “mbështetja te institucionet dhe sundimi i ligjit për të mbrojtur mjedisin” e “trajtimi i zhvillimit të gjelbër si një përbërës jetik i rritjes me cilësi të lartë”, të cilat u renditën përkatësisht në vendin e dytë, të tretë dhe të katërt. Sondazhi zbulon se 81.6 për qind e pjesëmarrësve globalë në të besojnë që koncepti i “Dy maleve” ka zhbërë modelin tradicional të rritjes “Ndotje më parë dhe pastrim më vonë”. Që nga Kongresi i 18-të Kombëtar i Partisë Komuniste të Kinës (PKK), Kina ka ruajtur një normë mesatare vjetore të rritjes ekonomike prej mbi 6 për qind, me vetëm 3 për qind rritje vjetore të konsumit të energjisë. 71.8 për qind e pjesëmarrësve e vlerësojnë pozitivisht përparimin e bashkerenduar të Kinës në rritjen ekonomike me cilësi të lartë dhe ruajtjen ekologjike me standarde të larta, ndërsa 59.9 për qind gjykojnë që integrimi i zhvillimit të gjelbër të Kinës në planet e saj pesëvjeçare dhe tërë procesin e zhvillimit ekonomik e shoqëror ia vlen për t’u imituar nga vendet e tjera.
Ferma pyjore e mekanizuar Saihanba në provincën Hebei të Kinës veriore. /VCG
Sipas sondazhit, të anketuarit i pranojnë gjerësisht arritjet e Kinës në qeverisjen ekologjike dhe tranzicionin e gjelbër. 68.8 për qind e tyre i vlerësojnë përpjekjet e Kinës për pyllëzimin në shkallë të gjerë për mëkëmbjen e mbulimit me pyje, 66.5 për qind e njohin rolin e brezave pyjorë në Kinë në mbrojtjen nga era dhe fiksimin e rërës në luftën kundër shkretëtirëzimit, dhe 68.9 për qind e pohojnë rolin e sistemit të saj të parqeve kombëtare në mbrojtjen e biodiversitetit. Për më tepër, 70.5 për qind e përshëndesin zgjerimin e infrastrukturës së energjisë së pastër (të erës, diellit etj.) nga Kina, ndërsa 69.6 për qind mbështesin promovimin nga ana e saj të energjisë së pastër në jetën dhe punën e përditshme.
Kur vlerësojnë rolin e Kinës në qeverisjen globale të klimës dhe ekologjisë, ata që u përgjigjën në sondazh e identifikojnë Kinën kryesisht si një Nxitëse (49.7 për qind), e ndjekur nga Udhëheqëse (43.9 për qind) dhe Praktikuese (43.5 për qind), me një miratim dukshëm më të fortë nga vendet e Jugut Global, me përkatësisht 57.1, 52.7 dhe 48.2 për qind. Veçanërisht ndër vendet e G7-s, shumë të anketuar nga Mbretëria e Bashkuar e ShBA-ja shprehin qëndrim pozitiv në njohjen e pozicionit udhëheqës të Kinës. Sondazhi zbulon më tej një njohje të gjerë të kontributeve të Kinës në qeverisjen globale të klimës dhe mjedisit. 76.7 për qind e pranojnë kontrollin efektiv të lëshimeve të gazit serrë nga Kina, 79.9 për qind i vlerësojnë praktikat e saj shembullore në ruajtjen e energjisë, ndërsa 75.5 për qind theksojnë që eksportet e energjisë së pastër të Kinës përshpejtojnë tranzicionin e gjelbër të partnerëve dhe 75.1 për qind pohojnë furnizimin nga Kina të sektorit global të energjisë së re me mallra të cilësisë së lartë dhe promovimin e zhvillimit të gjelbër. Përveç kësaj, 71.2 për qind vlerësojnë përpjekjet e pyllëzimit të Kinës dhe 73.4 për qind mbështesin zgjidhjet e saj të qeverisjes. Vlen të përmendet që të anketuarit nga Jugu Global tregojnë një shkallë miratimi 7-11 pikë përqindjeje më të lartë se mesatarja dhe të anketuarit më të rinj (nën moshën 44 vjeç) japin vazhdimisht një mbështetje mbi mesataren në të gjitha kategoritë.
Automjetet me energji të re po karikohen në një parking publik në qytetin Changzhou, provinca Jiangsu e Kinës lindore, 9 gusht 2025. /VCG
Sondazhi u krye nga CGTN-i në partneritet me Institutin e Kërkimeve të Komunikimit Ndërkombëtar “Epoka e re”, i krijuar së bashku nga Grupi Mediatik i Kinës (CMG) dhe Universiteti “Renmin” i Kinës, me 24 515 të anketuar nga 48 vende në mbarë botën, që përfshijnë si vendet e zhvilluara kryesore, ashtu edhe vendet e Jugut Global.Të gjithë pjesëmarrësit ishin qytetarë të zakonshëm të moshës 18 vjeç e lart. Shpërndarja e mostrave përputhet me të dhënat e regjistrimit të secilit vend për sa i përket demografisë moshore dhe gjinore./cgtn
