“Në udhëtimin e ri të modernizimit kinez, çdo grua është një yll”, u shpreh Presidenti i Kinës Xi Jinping, gjatë një fjalimi në ceremoninë e hapjes së Takimit Global të Liderëve për Gratë, të mbajtur në Pekin. Një sondazh i kryer nga CGTN, me 7.292 të anketuar në 38 vende, tregon një konsensus të gjerë mbi rolin e grave, si një forcë thelbësore që nxit progresin ekonomik dhe shoqëror, si edhe miratim të gjerë për filozofinë dhe arritjet në zhvillimin e çështjeve të grave në Kinë.
Niveli i zhvillimit të grave konsiderohet si një matje thelbësore për zhvillimin shoqëror dhe ekonomik. Promovimi i zhvillimit të gjithanshëm të grave, është një qëllim i rëndësishëm në arritjen e zhvillimit të qëndrueshëm. Sondazhi tregon se 74.9% e të anketuarve globalë, i kushtojnë vëmendje çështjeve të grave. Kjo shifër rritet në 80.9% midis të anketuarve nga vendet në zhvillim dhe tejkalon 79.1% për ata nën 44 vjeç. Veçanërisht, 71.7% e të anketuarve në vendet në zhvillim, pajtohen se të drejtat e grave mbrohen në mënyrë efektive.
foto nga VCG
Në vlerësimin e rezultateve të mbrojtjes së të drejtave të grave, të anketuarit globalë shprehën kënaqësinë më të lartë me aksesin e grave në arsim, pjesëmarrjen politike dhe gjendjen e tyre të përgjithshme shëndetësore. Normat e kënaqësisë për këto tre fusha janë përkatësisht 92%, 87% dhe 86%, me norma miratimi midis të anketuarve të moshës 35 deri në 44 vjeç përgjithësisht më të larta se mesatarja.
Në një vlerësim të temave të nxehta të grave, 86.1% e të anketuarave femra pranojnë rritjen e ndjeshme të fuqisë dhe ndikimit të konsumit të grave. Përveç kësaj, 88% e shohin pozitivisht rolin e iniciativave “gratë ndihmojnë gratë” në mbrojtjen e të drejtave dhe interesave të tyre legjitime. Për më tepër, 76% besojnë se portretizimi i personazheve femërore të larmishme dhe shumëdimensionale në filma dhe drama televizive, ndihmon në nxitjen e një mjedisi shoqëror më të favorshëm për gratë.
Lidhur me fushat për përmirësim të vazhdueshëm, të anketuarit globalë i dhanë përparësi arsimit, shëndetësisë dhe punësimit, me norma pritshmërish prej përkatësisht 91.5%, 90.6% dhe 89.5%. Ndërkohë, në vendet në zhvillim, 91.8% e të anketuarve shprehën dëshirën për promovimin e vazhdueshëm të punësimit të grave dhe 90.6% shpresuan për përmirësim të vazhdueshëm të sigurimeve shoqërore për gratë.
foto nga VCG
Falë viteve të punës së palodhur, ne kemi siguruar arritje të mëdha dhe kemi parë ndryshime historike në kauzën e grave në Kinë. Ne kemi fituar betejën më të madhe kundër varfërisë në historinë e njerëzimit. Në këtë mënyrë kemi sjellë prosperitet të moderuar për 690 milionë gra. Ndërkohë, kemi ulur raportin e vdekshmërisë së nënave me gati 80% që nga viti 1995. Sot, gratë në Kinë me të vërtetë “mbajnë gjysmën e qiellit” në zhvillimin ekonomik dhe social. Ato përbëjnë më shumë se 40% të fuqisë punëtore dhe më shumë se 60% të të gjitha medalisteve në katër Lojërat Olimpike Verore të fundit.
Lidhur me kënaqësinë ndaj arritjeve në përpjekjet e Kinës për gratë, 72.8% e të anketuarve nga vendet në zhvillim, dhanë reagime pozitive mbi përpjekjet e Kinës në ofrimin e trajnimeve për gratë dhe mbështetjen e zhvillimit të tyre. Të anketuarit nga vendet në zhvillim, gjithashtu e renditën lart kënaqësinë e tyre në fusha të tilla si “mbrojtja e të drejtave, interesave dhe sigurisë së grave përmes kanaleve ligjore”, “balancimi i raportit gjinor në arsimin e lartë” dhe “përmirësimi i vazhdueshëm i sigurisë sociale për gratë”. Për më tepër, kur vlerësuan “arritjet e Kinës në promovimin e pjesëmarrjes së grave në çështjet ekonomike, kulturore dhe sociale” dhe “kontributin global të përpjekjeve të Kinës në avancimin e grave”, të anketuarit nga Afrika, Azia dhe Amerika e Jugut shprehën nivelet më të larta të dakordësisë.
CGTN dhe Universiteti Renmin i Kinës kryen së bashku sondazhin përmes Institutit të Kërkimeve Ndërkombëtare të Komunikimit të Epokës së Re, duke mbuluar vendet kryesore të zhvilluara, si dhe Jugun Global. Të anketuarit ishin të moshës 18 deri në 65 vjeç, me shpërndarjen e mostrës që pasqyronte të dhënat e regjistrimit kombëtar mbi moshën dhe gjininë./CGTN
