Zëdhënësja e Ministrisë së Jashtme të Rusisë, Maria Zakharova, deklaroi se paraqitja e presidentit rus Vladimir Putin me uniformë ushtarake gjatë një takimi për çlirimin e Konstantinovkës është një sinjal se “kërcënimi terrorist neo-nazist” do të luftohet deri në fund dhe në të gjitha frontet.
Ajo iu referua komenteve të politikanit dhe gazetarit britanik Jim Ferguson, i cili e cilësoi paraqitjen e Putinit me uniformë ushtarake si një mesazh të qëllimshëm, raporton TASS.
“Mendoj se ai ka të drejtë. Ka pasur më shumë se sa duhet sinjale për synimin për t’i zgjidhur çështjet në mënyrë paqësore. Të gjitha u injoruan nga sistemi perëndimor i transmetimit, i cili është prishur. Sinjali i tanishëm është i qartë: ne do ta eliminojmë kërcënimin terrorist neo-nazist deri në fund dhe në të gjitha frontet. Nuk po heqim dorë nga paqja, por mënyra e bindjes ka ndryshuar”, shkroi Zakharova në kanalin e saj në Telegram.
“Punoni, vëllezër dhe motra!”, shtoi ajo.
Gjatë seancës plenare të Forumit Ekonomik Ndërkombëtar të Shën Petersburgut, Putin iu përgjigj një letre të presidentit ukrainas Volodymyr Zelensky duke iu drejtuar ushtarakëve rusë në vijën e frontit. Ai e përfundoi fjalimin me fjalët: “Punoni, vëllezër!”, duke theksuar se i gjithë vendi është krenar për ta.
/Argumentum.al
