Deklarata e kryeministrit izraelit mbi “nxitjen e një pushtimi të plotë të Gazës” ka ndezur debat të gjerë në arenën ndërkombëtare. Një sondazh global i publikuar nga CGTN-i tregon që 86.6 % e të anketuarve e kundërshtojnë fuqimisht këtë qëndrim dhe bëjnë thirrje për një armëpushim të menjëhershëm dhe përfundim sa më shpejt të konfliktit në Gazë.
Deri tani ushtria izraelite ka marrë nën kontroll rreth 75 % të territorit të Rripit të Gazës, ndërsa në raundin e fundit të konfliktit izraelito-palestinez më shumë se 60 mijë palestinezë kanë humbur jetën dhe mbi 150 mijë të tjerë janë plagosur. 89.1 % e pjesëmarrësve në sondazh shprehin shqetësim se një pushtim i plotë do të përkeqësojë më tej krizën humanitare; 89.8 % besojnë që konflikti mund të përshkallëzohet edhe më tej, ndërsa 91.2 % vlerësojnë se veprimet e Izraelit do ta fusin Gazën në një gjendje të ndërlikuar të pafund, duke u larguar ndjeshëm nga objektivat ushtarakë fillestarë.
Foto nga VCG
Deklaratat e Izraelit janë përballur menjëherë me kritika të gjera ndërkombëtare. Drejtues të opozitës izraelite, shefi i shtabit të Forcave të Mbrojtjes të Izraelit (IDF), si edhe ish-drejtorë të tri agjencive kryesore të zbulimit të vendit, janë shprehur publikisht kundër këtij plani. Ndërkohë, Departamenti i Shtetit i ShBA-së nuk ka pranuar të komentojë. Sipas sondazhit, 86.8 % e të anketuarve besojnë që Izraeli po përpiqet të shmangë vëmendjen nga paaftësia e qeverisë së Netanjahut për të qeverisur vendin dhe të ruajë pozitën e tij në pushtet, ndërsa 92.5 % e kritikojnë ShBA-në si “bashkëfajtore” në krizën humanitare në Gazë, duke theksuar rolin e saj në shpërndarjen e furnizimeve dhe veton e përsëritur ndaj rezolutave për armëpushim në Këshillin e Sigurimit të OKB-së, çka që ka përkeqësuar ndjeshëm situatën në rajon.
Foto nga VCG
Së fundmi, disa vende anëtare të G7-s, përfshirë Britaninë, Francën dhe Kanadanë, kanë shprehur publikisht mbështetje për njohjen e shtetit të Palestinës. Nga pesë vendet anëtare të përhershme të Këshillit të Sigurimit të OKB-së, vetëm ShBA-ja nuk e ka njohur ende ose nuk është shprehur se do ta njohë Palestinën. Përparimi i fundit i Palestinës në sigurimin e njohjes ndërkombëtare lidhet ngushtë me përkeqësimin e shpejtë të krizës humanitare në Gazë. Sondazhi i CGTN-it tregon se 80.8 % e pjesëmarrësve e konsiderojnë zbatimin e zgjidhjes me dy shtete si rrugën themelore për zgjidhjen e çështjes palestineze dhe bëjnë thirrje për rivendosjen e të drejtave të ligjshme të kombit palestinez. 90.5 % e të anketuarve kërkojnë rritjen e ndihmës humanitare ndërkombëtare për Gazën, për të përmirësuar kushtet dhe për të garantuar furnizimin me mallra e shërbime jetike për mbijetesën e civilëve, duke shmangur një katastrofë më të madhe humanitare, ndërsa 90.3 % bëjnë thirrje për intensifikimin e përpjekjeve diplomatike ndërkombëtare për të frenuar përshkallëzimin e konfliktit, për të ndaluar luftën dhe për të ruajtur paqen e qëndrueshmërinë në Lindjen e Mesme.
Foto nga VCG
Sondazhi u publikua në platformat shumëgjuhëshe të CGTN-it në anglishte, spanjishte, frëngjishte, arabishte e rusishte dhe brenda 24 orëve morën pjesë në të 9 093 përdorues të internetit, të cilët dhanë mendimet e tyre.
Foto nga VCG
/cgtn
