Presidenti i Turqisë, Recep Tayyip Erdoğan ka zhvilluar bisedë telefonike me homologun e tij rus Vladimir Putin.
Presidenti rus Vladimir Putin diskutoi vlerësimin e tij për samitin e fundit ruso-amerikan në Anchorage me Presidentin turk Rexhep Tajip Erdogan gjatë një telefonate të mërkurën, njoftoi Kremlini.
“Gjatë bisedës telefonike me Presidentin e Turqisë, Presidenti i Rusisë shprehu vlerësime për samitin ruso-amerikan që u zhvillua në Anchorage”, sipas deklaratës së Kremlinit.
Situata në Ukrainë dhe roli ndërmjetësues i Turqisë
Udhëheqësit diskutuan zhvillimet e fundit në situatën rreth Ukrainës.
Pala ruse shprehu kënaqësi për ndihmën e Turqisë në lehtësimin e negociatave midis përfaqësuesve të Rusisë dhe Ukrainës në Stamboll, sipas një deklarate zyrtare.
Gjatë bisedës, dy presidentët folën edhe për marrëdhëniet dypalëshe, duke u përqendruar në bashkëpunimin ekonomik.
“U trajtuan gjithashtu disa çështje aktuale në axhendën dypalëshe, përfshirë zhvillimin e mëtejshëm të lidhjeve tregtare dhe investimeve. U ra dakord të vazhdojnë kontaktet personale,” theksohet në deklaratë.
Nga ana tjetër, pala turke theksoi se gjatë telefonatës u diskutuan edhe rezultatet e samitit të Alaskës dhe marrëdhëniet ekonomike midis Turqisë dhe Rusisë.
“Presidenti Erdogan deklaroi se ndjek nga afër zhvillimet në lidhje me procesin e paqes, se Turqia është përpjekur sinqerisht për një paqe të drejtë që nga fillimi i luftës dhe, në këtë kontekst, mbështet qasjet që synojnë vendosjen e një paqeje të qëndrueshme me pjesëmarrjen e të gjitha palëve”, thuhet në një deklaratë nga Drejtoria e Komunikimit e Turqisë.
/Argumentum.al
