Më 3 shtator u organizua në Pallatin e Madh të Popullit një pritje me rastin e 80-vjetorit të fitores së Luftës së Rezistencës të Popullit Kinez kundër Agresionit Japonez dhe Luftës Antifashiste Botërore. Sekretari i Përgjithshëm i Komitetit Qendror të Partisë Komuniste të Kinës (PKK), president i Kinës dhe kryetar i Komisionit Ushtarak Qendror, Xi Jinping, mori pjesë në këtë pritje dhe mbajti një fjalim të rëndësishëm, ku u shpreh se besimi tek e drejta është i palëkundur, dëshira për paqe është e pandalshme dhe fuqia e popullit është e pamposhtur.
Në fillim të pritjes, presidenti kinez u shprehu mirëseardhjen e sinqertë të gjithëve dhe u dërgoi urime të përzemërta banorëve të të gjitha kombësive të Kinës dhe popujve të të gjitha vendeve të botës për Ditën e Fitores.
Xi Jinping-u theksoi se në çdo kohë, duhet të mbështesim vlerat e përbashkëta të të gjithë njerëzimit, të mbrojmë me vendosmëri drejtësinë e barazinë ndërkombëtare dhe ta bëjmë botën të drejtë dhe të begatë. “Të gjithë duhet t’i përmbahemi rrugës së zhvillimit paqësor, të ruajmë me vendosmëri paqen dhe qetësinë botërore dhe të punojmë së bashku për të ndërtuar një bashkësi me fate të përbashkëta të njerëzimin. Ne të gjithë duhet t’i marrim shqetësimet e njerëzve si tonat dhe interesat e botës si tonat, dhe të punojmë pa u lodhur për të përmirësuar mirëqenien e njerëzve,” u shpreh ai.
Xi Jinping-u tha në vijim që populli kinez bëri një luftë 14-vjeçare, duke mposhtur më në fund pushtuesit japonezë e duke sjellë fitorën e plotë të Luftës Antifashiste Botërore. Kjo është një pikë kthese historike për kombin kinez, i cili ka kaluar nga një krizë e thellë te një rigjallërim i madh në kohët moderne, dhe është gjithashtu një pikë e madhe kthese në zhvillimin e botës. Kjo fitore e madhe u arrit nga populli kinez duke luftuar krah për krah me aleatët antifashistë dhe popujt e të gjitha vendeve. Qeveria dhe populli kinez nuk do t’i harrojnë kurrë qeveritë e huaja dhe miqtë ndërkombëtarë që mbështetën dhe ndihmuan popullin kinez në rezistencën ndaj agresionit.
Kreu i shtetit i Kinës theksoi më tej se epërsia dhe dobësia e përkohshme varen nga forca; fitorja dhe humbja e përjetshme varen nga drejtësia. E drejta, drita dhe përparimi me siguri do të mposhtin të keqen, errësirën dhe reaksionin. Njerëzit jetojnë së bashku në të njëjtin planet e duhet të punojë së bashku në solidaritet dhe të jetojnë në harmoni, duke mos u kthyer kurrë më te ligji i xhunglës.
Duke vënë që dukje që modernizimi i Kinës synon ndjekjen e një rruge zhvillimi paqësor, Xi Jinping-u shtoi që Kina do të jetë gjithmonë një forcë për paqen, qëndrueshmërinë dhe përparimin në botë. “Ne shpresojmë sinqerisht që të gjitha vendet do të mësojnë nga historia, do ta çmojnë paqen dhe do të promovojnë së bashku modernizimin global, duke krijuar një të ardhme më të mirë për njerëzimin,” u shpreh presidenti kinez./cgtn
