Zv/Kryeministri i Kinës He Lifeng u takua të enjten në Pekin me përfaqësuesit e bordit këshillimor të Shkollës së Ekonomisë dhe Menaxhimit të Universitetit Tsinghua (Tsinghua SEM).
He, gjithashtu anëtar i Byrosë Politike të Komitetit Qendror të PKK, tha se Kina po thellon ndërtimin e një tregu të unifikuar kombëtar dhe po promovon me vendosmëri hapjen me standarde të larta, për të arritur një rritje të qëndrueshme ekonomike. Ai theksoi se vendi është i gatshëm të thellojë bashkëpunimin reciprokisht të dobishëm me vendet në mbarë botën, për të ndarë mundësitë për zhvillim me cilësi të lartë dhe për të realizuar përfitime të ndërsjella.
Përfaqësuesit, përfshirë Tim Cook, CEO i Apple dhe Kryetar i bordit këshillimor, shprehën besim të fortë në perspektivat e zhvillimit të Kinës dhe zotimin për t’u angazhuar më tej në tregun kinez si edhe për të zgjeruar investimet dhe bashkëpunimin në Kinë./CGTN
