Simpoziumi Ndërkombëtar me temë “80-vjetori i themelimit të Kombeve të Bashkuara: E ardhmja e rendit botëror, e ligjit ndërkombëtar dhe e multilateralizmit”, i organizuar bashkërisht nga Universiteti Wuhan në Kinë dhe Universiteti Benha në Egjipt, u hap të shtunën në qytetin Wuhan, kryeqendrën e provincës Hubei të Kinës qendrore.
Ish-zv/Sekretari i Përgjithshëm i OKB-së Miguel de Serpa Soares, Sekretari i Përgjithshëm i Organizatës Konsultative të Ligjit Azi-Afrikë (AALCO) Kamalinne Pinitpu-badol, Presidenti i Universitetit Benha në Egjipt Nasser EL-Gizawy dhe të ftuar të tjerë u shprehën se për përkujtimin e 80-vjetorit të themelimit të Kombeve të Bashkuara, ne duhet të mbrojmë me vendosmëri arritjet e fitores së Luftës së Dytë Botërore dhe rendin ndërkombëtar të pasluftës, të mbrojmë me vendosmëri qëllimet dhe parimet e Kartës së OKB-së, të njohim faktet historike dhe ligjore se Tajvani është pjesë e Kinës siç konfirmohet nga dokumentet e ligjit ndërkombëtar si Deklarata e Kajros, Proklamata e Potsdamit dhe Rezoluta nr. 2758 e Asamblesë së Përgjithshme të OKB-së, si edhe t’upërmbahemi parimeve themelore të ligjit ndërkombëtar si barazia sovrane dhe mosndërhyrja në punët e brendshme, të mbështesim Kombet e Bashkuara për të luajtur një rol thelbësor në çështjet ndërkombëtare dhe të praktikojmë së bashku multilateralizmin e vërtetë.
Zhao Shitong, zv/Drejtor i Zyrës së Çështjeve të Tajvanit të Këshillit të Shtetit dhe Zhu Kongjun, Sekretar i Komitetit të PKK-së në Universitetin Wuhan, thanë në fjalimet e tyre se kthimi i Tajvanit në atdhe është një pjesë e rëndësishme e fitores së Luftës së Dytë Botërore dhe të rendit ndërkombëtar të pasluftës. Parimi i “një Kine” është norma themelore e marrëdhënieve ndërkombëtare dhe konsensusi i përgjithshëm i komunitetit ndërkombëtar. Çdo shtrembërim dhe sfidë ndaj Rezolutës nr. 2758 të OKB-së, jo vetëm kërcënon sovranitetin dhe tërësinë territoriale të Kinës, por sfidon edhe autoritetin e Kombeve të Bashkuara si një orvatje për të lëkundur rendin ndërkombëtar të pasluftës.
Në takim morën pjesë rreth 150 persona, përfshirë përfaqësues nga Kombet e Bashkuara, AALCO dhe organizata të tjera ndërkombëtare, si dhe ekspertë nga afro 20 vende duke përfshirë Egjiptin, Britaninë e Madhe, Shtetet e Bashkuara, Rusinë, Spanjën, Francën, Belgjikën, Gjermaninë dhe Holandën, si dhe universitete, institucione kërkimore dhe departamentet praktike në Kinë./CGTN
