Në Pekin u zhvillua të shtunën mbledhja përkujtimore e 80-vjetorit të Rikthimit të Tajvanit.
Në këtë mbledhje mori pjesë dhe mbajti fjalim Wang Huning, anëtar i Komitetit të Përhershëm të Byrosë Politike të Komitetit Qendror të Partisë Komuniste të Kinës dhe kryetar i Konferencës Konsultative Politike të Popullit Kinez (KKPPK).
Wang theksoi se është e rëndësishme të mësohet dhe zbatohet në thellësi fryma e fjalimit të rëndësishëm të Sekretarit të Përgjithshëm Xi Jinping, të mbajtur në ceremoninë përkujtimore të 80-vjetorit të Fitores së Luftës së Popullit Kinez kundër Agresionit Japonez dhe të Luftës Botërore Antifashiste, duke bashkuar dhe mobilizuar të gjithë kinezët brenda dhe jashtë vendit, për të kujtuar historinë, mbrojtur arritjet, ruajtur atdheun dhe krijuar të ardhmen, në mënyrë që të vazhdohet shkrimi i kapitujve të lavdishëm të historisë së kombit kinez.
Wang theksoi se fitorja e luftës dhe rikthimi Tajvanit janë fitore të mëdha të të gjithë kombit, një lavdi e përbashkët e popullit dhe kombit kinez. Ai nënvizoi se vendosja nga Partia dhe shteti i “Ditës Përkujtimore të Rikthimit të Tajvanit” tregon qëndrimin e palëkundur të popullit të të gjitha kombësive në Kinë për të mbrojtur parimin e “një Kine” dhe integritetin territorial të vendit. Kjo pasqyron gjithashtu dëshirën e përbashkët të të gjithë kinezëve, përfshirë bashkatdhetarët tajvanezë, dhe dëshmon vullnetin e fortë të PKK-së për të përmbushur detyrën historike të bashkimit të plotë të atdheut. Kjo do të forcojë konsensusin ndërkombëtar se në botë ekziston vetëm një Kinë dhe se Tajvani është pjesë e pandashme e saj, duke frymëzuar popujt në të dy brigjet e ngushticës të trashëgojnë dhe përhapin shpirtin patriotik e atë të luftës së madhe kundër agresionit, për të luftuar së bashku për bashkimin e plotë të atdheut dhe rilindjen e madhe të kombit kinez.
Wang theksoi se në këtë moment të rëndësishëm për të kujtuar historinë dhe për të krijuar të ardhmen, të dy anët e ngushticës duhet të marrin përgjegjësinë historike për të promovuar shpirtin kombëtar me patriotizmin në thelb, për të mbrojtur atdheun e përbashkët të kombit kinez, për të nxitur zhvillimin paqësor të marrëdhënieve ndërmjet dy brigjeve dhe për të realizuar ripërtëritjen e madhe të kombit. Ai theksoi se duhet të zbatohet politika e “Bashkimit Paqësor dhe Një Vend, Dy Sisteme”, të mbahet fort parimi i “Një Kine” dhe “Konsensusi i vitit 1992”, të mbrohen bashkërisht arritjet historike të fitores kundër agresionit, të vazhdohet përpara në rrugën e bashkimit kombëtar dhe të mos lihet asnjë hapësirë për aktivitetet separatiste të forcave pro “pavarësisë së Tajvanit”. Ai bëri thirrje për të thelluar shkëmbimet ndërmjet dy brigjeve, për të forcuar ndjenjën e përbashkët të përkatësisë kombëtare, për të mbrojtur interesat e përgjithshme të kombit kinez, për të ndarë perspektivat e shkëlqyera të ribashkimit kombëtar dhe për të bashkuar forcat e të dy anëve për të realizuar rilindjen e lavdishme të kombit kinez./CGTN
