Sesioni amerikan i Dialogut Global “Novacioni, hapja dhe zhvillimi i përbashkët”, i organizuar bashkërisht nga Grupi Mediatik i Kinës (CMG) dhe ambasada kineze në Shtetet e Bashkuara, u mbajt të premten në Uashington. Afro 100 të ftuar, përfshirë ekspertë dhe studiues të çështjeve ndërkombëtare nga Kina dhe Shtetet e Bashkuara, si edhe përfaqësues të studentëve të rinj amerikanë, zhvilluan shkëmbime të thella mbi tema të tilla si nxitja nga Kina e novacionit global nëpërmjet përparimit të pavarur shkencor e teknologjik, zgjerimi i hapjes së nivelit të lartë, ndarja e mundësive me botën dhe përfitimet e përbashkëta etj.
foto nga CMG
Në videofjalimin e tij në këtë veprimtari, drejtori i CMG-së Shen Haixiong tha se plenumi i 4-t i Komitetit të 20-të Qendror të Partisë Komuniste të Kinës, që sapo u mbyll në Pekin dhe që ka qenë gjerësisht në fokus të vëmendjes, është një tjetër gur themeltar i rëndësishëm për Kinën në epokën e re. Plenumi bëri projektimin e nivelit të lartë dhe planifikim strategjik për detyra të rëndësishme, si ndërtimi i një sistemi modern industrial me prodhimin e përparuar si shtyllë bazë, përshpejtimi i vetëmbështetjes dhe vetëpërmirësimit shkencor e teknologjik të nivelit të lartë, ngritja e efikasitetit të përgjithshëm të sistemit kombëtar të novacionit, përshpejtimi i ndërtimit të një sistemi të nivelit të lartë të ekonomisë socialiste të tregut, sigurimi i zhvillimit të qëndrueshëm e afatgjatë me cilësi të lartë dhe stimulimi i gjallërisë novatore e krijuese kulturore të gjithë kombit. Plenumi i deklaroi përsëri botës se Kina do të zgjerojë hapjen e nivelit të lartë dhe do të krijojë një situatë të re bashkëpunimi me përfitime të përbashkëta. CMG-ja do të bashkëpunojë me partnerët për të ndërtuar një platformë globale për konsultim inteligjent, për të zbatuar “katër nismat globale” dhe për të ndarë me botën “zgjidhjet e Kinës” për qeverisjen globale, perspektivat e gjera të modernizimit të kinez dhe vrullin e novacionit të Kinës në epokën e re. “Ne jemi të gatshëm të bashkëpunojmë krah për krah me ju për të realizuar ëndrrat tona, për të nxitur ndërtimin e një bashkësie me të ardhme të përbashkët të njerëzimit dhe për të krijuar një të ardhme më të mirë për njerëzimin,” shtoi Shen.
foto nga CMG
Ambasadori kinez në Shtetet e Bashkuara Xie Feng tha se plenumi i 4-t i Komitetit të 20-të Qendror të Partisë Komuniste të Kinës, që porsa u mbyll në Pekin dhe që ka qenë gjerësisht në fokus të vëmendjes, shërben si një tjetër gur themeli i Kinës në epokën e re. Në plenum u bë projektimi i nivelit të lartë dhe vendosja strategjike për zhvillimin e Kinës në pesë vjetët e ardhshëm, gjë që jo vetëm tregon drejtimin për zhvillimin ekonomik e shoqëror të Kinës, por edhe i sjell siguri strategjike dhe qëndrueshmëri zhvillimi botës së trazuar.
foto nga CMG
Robert Kuhn, kryetar i Fondacionit “Kuhn” në Shtetet e Bashkuara, tha se pesë vjetët e ardhshëm do të jenë jo vetëm një periudhë kritike për modernizimin kinez, por edhe do të ndikojnë thellësisht në drejtimin e zhvillimit botëror. Presim të vazhdojmë të dëshmojmë arritjet historike të Kinës në pesë vjetët e ardhshëm e që Kina të vijojë të thellojë bashkëpunimin me botën me një qëndrim pragmatik dhe të hapur, në mënyrë që nga frytet e zhvillimit të saj të përfitojë tërë njerëzimi.
foto nga CMG
foto nga CMG
/CGTN
