Në daljen për media të kësaj mbrëmjeje, Kryeministri Edi Rama tha se kjo e sotshmja ishte një fitore e paqes dhe e së ardhmes.
Rama deklaroi: “Të nderuar bashkëqytetarë me ose pa përkatësi e bindje politike brenda ose jashtë atdheut ku ndodheni. Sot ishte 30 qershori i një Shqipërie që për shumë muaj përjetoi dramën e një përçarje të rëndë politike të frymëzuar, të nxitur dhe organizuar për të ndaluar ecjen tonë përpara në rrugën e normalitetit shoqëror, bashkëjetesës demokratike dhe integrimit të popullit shqiptar në familjen e popullit të Europës. Sot ishte dita e zgjedhjeve vendore të radhës e cila u kthye në muaj pas muaji në ditën kulmore të një përplasje historike mes së shkuarës dhe së ardhmes, mes qytetarisë dhe harbutërisë, mes politikës së forcës dhe forcës së politikës, mes dhunës kërcënuese të së djeshmes dhe shpresës së natyrshme të së nesërmes, mes Shqipërisë së djeshme mes fantazmave dhe Shqipërisë që duam për të gjithë fëmijët. Sot fitoi e ardhmja, fitoi shteti, forca e politikës, qytetaria, fitoi shpresa. Fitoi me të drejtë e dinjitet Shqipëria e të ardhmes evropiane. Humbi Shqipëria e djeshme pa din e pa iman.
Sot folëm me gjuhën e paqes. Sot fitoi e ardhmja, shpresa, qytetaria. Fitoi me të drejtë Shqipëria e nesërme europiane e fëmijëve tanë. Ishte një fitore e vështirë, mbase më e vështira.
Faleminderit qeverisë së SHBA dhe përfaqësuesve të saj në Tiranë, faleminderit BE dhe delegacionit të BE në Shqipëri, faleminderit misionit të OSBE dhe çdokujt tjetër nga përfaqësuesit e nderuar të botës demokratike që dhanë një dorë në këtë betejë. Jo vetëm faleminderit, por edhe ndjesë, shumë ndjesë, miqve të huaj që u bënë objekt e sulmeve të turpshme. Me ato sulme na turpëruan të gjithëve, si vend, si popull, si njerëz.
Pas pak hyn një ditë e re që e gjen Shqipërinë të çliruar nga makthi. Por vjen e ngarkuar me barrën e rëndë të sfidës së rëndë të kurimit të plagës që hija e tyre ka lënë pas.
Zgjedhësit e këtij vendi nuk e meritonin tërë atë presion mizerabël mbi shpirtin e tyre.
Qytetarët shqiptarë sot e bënë të tyre. Ata folën si s’ka më qartë, e si s’ka më bukur. Qoftë duke shkuar të votojnë, ose qoftë edhe duke mos shkuar të votojnë, ata folën në gjuhën e paqes dhe respektit për njëri-tjetrin. Ditën e paralajmëruar të qametit e kthyen në një të dielë normale.
Molotovët i kishin zëvendësuar me firzamonika. U kry për bukuri, me një llaf. Ajo që dukej si rruga pa krye e rezistencës tonë.
Nesër fillon dita kur ne duhet të fillojmë të bëjmë tonën. Duke u përulur përpara popullit, duke reflektuar para pasqyrës së qeverisjes tonë. Duhet të jenë të qartë të gjithë. Ne nuk fituam një betejë zgjedhore të radhës, por fituam përgjithmonë luftën për zgjedhjet e të gjitha radhëve.
Nga sot Shqipëria nuk do të shohë më djegie mandatesh e hedhje molotovësh. Nga sot është një mësim jo vetëm për ata por për të gjithë partitë politike shqiptare përgjithmonë. Fitimtarët duhet ta ngulisin thellë në mendje, sepse nuk fituam se kemi bërë shumë punë të mira. Shumë pak besuan se do tía dilnim deri në fund.
Kemi bërë punë të mira, por kemi bërë disa punë që më mirë të mos ishin bërë fare, sepse i kemi bërë gabim. Njerëzit nga nesër do të jenë shumë më pak të duruar nga ne dhe shumë më pak të prirur të kuptojnë të metat dhe gabimet tona.
Nga nesër ne kemi meritën që qëndruam në anën e duhur të historisë dhe që udhëhoqëm duke zgjedhur rrugën më të vështirë dhe thuajse të pamundur. Zgjodhëm rrugën e drejtë dhe të gjatë të së ardhmes.
Për këtë meritë unë jam sot shumë krenar, si shqiptar dhe si udhëheqës i Partisë Socialiste të Shqipërisë. Për këtë meritë PS është sot një fuqi e shtuar edhe më e besueshme se deri dje.
Nëse duan marrëveshje për Shqipërinë, marrëveshje do të kenë. Marrëveshja bëhet me dialog pa kushte. Dora ime është e shtrirë.
Shqipëria e këtij 30 qerhsori nuk fitoi për të majtën, por për të drejtën.
Përshëndes të gjithë njerëzit që nuk embështetën në asnjë moment dhunën. Respekt për këdo që nuk votoi, që nuk u përfshi në asnjë nxitje negative. Faleminderit. Jo vetëm respekt, por mirënjohje të thellë për të gjithë ata që votuan.
Për të gjithë socialistët, të gjithë ata që erdhën të më dëgjonin në pikën e vapës dhe që sot e mbytën në qendrat e votimin fantazmën e dhunës, nuk gjej dot fjalë për ta përshkruar. Ju dua shumë fare.
Në daljen për media të kësaj mbrëmjeje, Kryeministri Edi Rama tha se kjo e sotshmja ishte një fitore e paqes dhe e së ardhmes.
Rama deklaroi: “Të nderuar bashkëqytetarë me ose pa përkatësi e bindje politike brenda ose jashtë atdheut ku ndodheni. Sot ishte 30 qershori i një Shqipërie që për shumë muaj përjetoi dramën e një përçarje të rëndë politike të frymëzuar, të nxitur dhe organizuar për të ndaluar ecjen tonë përpara në rrugën e normalitetit shoqëror, bashkëjetesës demokratike dhe integrimit të popullit shqiptar në familjen e popullit të Europës. Sot ishte dita e zgjedhjeve vendore të radhës e cila u kthye në muaj pas muaji në ditën kulmore të një përplasje historike mes së shkuarës dhe së ardhmes, mes qytetarisë dhe harbutërisë, mes politikës së forcës dhe forcës së politikës, mes dhunës kërcënuese të së djeshmes dhe shpresës së natyrshme të së nesërmes, mes Shqipërisë së djeshme mes fantazmave dhe Shqipërisë që duam për të gjithë fëmijët. Sot fitoi e ardhmja, fitoi shteti, forca e politikës, qytetaria, fitoi shpresa. Fitoi me të drejtë e dinjitet Shqipëria e të ardhmes evropiane. Humbi Shqipëria e djeshme pa din e pa iman.
Sot folëm me gjuhën e paqes. Sot fitoi e ardhmja, shpresa, qytetaria. Fitoi me të drejtë Shqipëria e nesërme europiane e fëmijëve tanë. Ishte një fitore e vështirë, mbase më e vështira.
Faleminderit qeverisë së SHBA dhe përfaqësuesve të saj në Tiranë, faleminderit BE dhe delegacionit të BE në Shqipëri, faleminderit misionit të OSBE dhe çdokujt tjetër nga përfaqësuesit e nderuar të botës demokratike që dhanë një dorë në këtë betejë. Jo vetëm faleminderit, por edhe ndjesë, shumë ndjesë, miqve të huaj që u bënë objekt e sulmeve të turpshme. Me ato sulme na turpëruan të gjithëve, si vend, si popull, si njerëz.
Pas pak hyn një ditë e re që e gjen Shqipërinë të çliruar nga makthi. Por vjen e ngarkuar me barrën e rëndë të sfidës së rëndë të kurimit të plagës që hija e tyre ka lënë pas.
Zgjedhësit e këtij vendi nuk e meritonin tërë atë presion mizerabël mbi shpirtin e tyre.
Qytetarët shqiptarë sot e bënë të tyre. Ata folën si s’ka më qartë, e si s’ka më bukur. Qoftë duke shkuar të votojnë, ose qoftë edhe duke mos shkuar të votojnë, ata folën në gjuhën e paqes dhe respektit për njëri-tjetrin. Ditën e paralajmëruar të qametit e kthyen në një të dielë normale.
Molotovët i kishin zëvendësuar me firzamonika. U kry për bukuri, me një llaf. Ajo që dukej si rruga pa krye e rezistencës tonë.
Nesër fillon dita kur ne duhet të fillojmë të bëjmë tonën. Duke u përulur përpara popullit, duke reflektuar para pasqyrës së qeverisjes tonë. Duhet të jenë të qartë të gjithë. Ne nuk fituam një betejë zgjedhore të radhës, por fituam përgjithmonë luftën për zgjedhjet e të gjitha radhëve.
Nga sot Shqipëria nuk do të shohë më djegie mandatesh e hedhje molotovësh. Nga sot është një mësim jo vetëm për ata por për të gjithë partitë politike shqiptare përgjithmonë. Fitimtarët duhet ta ngulisin thellë në mendje, sepse nuk fituam se kemi bërë shumë punë të mira. Shumë pak besuan se do tía dilnim deri në fund.
Kemi bërë punë të mira, por kemi bërë disa punë që më mirë të mos ishin bërë fare, sepse i kemi bërë gabim. Njerëzit nga nesër do të jenë shumë më pak të duruar nga ne dhe shumë më pak të prirur të kuptojnë të metat dhe gabimet tona.
Nga nesër ne kemi meritën që qëndruam në anën e duhur të historisë dhe që udhëhoqëm duke zgjedhur rrugën më të vështirë dhe thuajse të pamundur. Zgjodhëm rrugën e drejtë dhe të gjatë të së ardhmes.
Për këtë meritë unë jam sot shumë krenar, si shqiptar dhe si udhëheqës i Partisë Socialiste të Shqipërisë. Për këtë meritë PS është sot një fuqi e shtuar edhe më e besueshme se deri dje.
Nëse duan marrëveshje për Shqipërinë, marrëveshje do të kenë. Marrëveshja bëhet me dialog pa kushte. Dora ime është e shtrirë.
Shqipëria e këtij 30 qerhsori nuk fitoi për të majtën, por për të drejtën.
Përshëndes të gjithë njerëzit që nuk embështetën në asnjë moment dhunën. Respekt për këdo që nuk votoi, që nuk u përfshi në asnjë nxitje negative. Faleminderit. Jo vetëm respekt, por mirënjohje të thellë për të gjithë ata që votuan.
Për të gjithë socialistët, të gjithë ata që erdhën të më dëgjonin në pikën e vapës dhe që sot e mbytën në qendrat e votimin fantazmën e dhunës, nuk gjej dot fjalë për ta përshkruar. Ju dua shumë fare.
