Nga Bujar OSMANI
Edhe kur t’ju pyesin: “Çfarë bëtë ju për 20 vite?”, thuajuni:
- Nënshkruam Marrëveshjen historike mes dy popujve, të bazuar në demokracinë konsociative, barazinë dhe bashkëjetesën ndërmjet komuniteteve.
- E ngritëm statusin e shqiptarëve nga një popull i përjashtuar në popull shtetformues dhe faktor vendimmarrës.
- Shqiptarët u bënë zot shtëpie në shtetit e vet.
- Zyrtarizuam gjuhën shqipe me Kushtetutë dhe me ligj në nivel qendror, si dhe krijuam organet për mbrojtjen e saj: Agjencinë dhe Inspektoratin.
- Krijuam mekanizmin e Badenterit, i cili garanton pjesëmarrjen vendimmarrëse të shqiptarëve në çështjet me rëndësi shtetërore dhe ndëretnike.
- Vendosëm Balancuesin si detyrim ligjor për respektimin e përfaqësimit të drejtë dhe adekuat etnik në institucionet shtetërore.
- Zyrtarizuam përdorimin e flamurit kombëtar shqiptar.
- E bëmë Shkupin kryeqytet zyrtarisht dygjuhësh.
- Krijuam dy komuna me shumicë shqiptare në kryeqytet: Çairin dhe Sarajin.
- Zgjeruam territorin e administruar nga kryetarë shqiptarë nga 2.140 km² në 6.940 km².
- Për herë të parë regjistruam diasporën në census dhe e përfshimë në përqindjet për llogaritjen e punësimeve, vendeve të punës dhe financimit të komunave.
- E anëtarësuam vendin në NATO.
- Realizuam projektin më të madh infrastrukturor në historinë e vendit, me vlerë 1,2 miliardë euro: Korridorin 8, lidhjen strategjike lindje-perëndim dhe korridorin e sigurisë së NATO-s.
- Mbajtëm Konferencën e Parë Ndërqeveritare me Bashkimin Evropian për negociatat për anëtarësim.
- Udhëhoqëm OSBE-në, organizatën më të madhe rajonale të sigurisë në botë.
- Njohëm pavarësinë e Republikës së Kosovës.
- E bëmë Kryeministrin e parë dhe Kryetarin e Kuvendit.
- E bëmë Ministrin e parë të Punëve të Jashtme.
- Zyrtarizuam Universitetin e Tetovës dhe ndërtuam kampusin modern universitar.
- Themeluam Universitetin “Nënë Tereza” dhe siguruam kazermën “Ilinden” për kampusin e tij universitar.
- E shndërruam Universitetin e Evropës Juglindore nga universitet privat në institucion publiko-privat.
- Rritëm pjesëmarrjen e kompanive shqiptare në ekonomi nga 5% në mbi 20%.
- Themeluam Zonën e Lirë Ekonomike në Tetovë me dhjetëra fabrika
- Rritëm numrin e policëve shqiptarë nga më pak se 100 në mbi 3.000.
- Rritëm numrin e oficerëve dhe ushtarakëve shqiptarë nga rreth 40 në mbi 1.500.
- E rritëm për dhjetëfish numrin e mjekëve dhe të personelit shëndetësor shqiptar.
- Ndërtuam në Çair kopshtin më të madh për fëmijë, “Bambi”.
- Ndërtuam dhe modernizuam maternitetin “Nënë Tereza” në Çair.
- Krijuam Spitalin Klinik në Tetovë dhe ndërtuam objektin e ri modern
- Hapëm pikën e re kufitare Bellanoc-Stançiq, duke lidhur drejtpërdrejt zonën e Likovës dhe Kumanovës me Republikën e Kosovës.
- Realizuam qindra projekte infrastrukturore, arsimore, sportive dhe shëndetësore në komuna.
Dhe mbi të gjitha: nga një popull i përjashtuar nga shteti, shqiptarët u bënë faktor vendimmarrës dhe shtetformues. Kjo është trashëgimia e këtyre dy dekadave.
______________________________
*Burimi: Facebook / Bujar Osmani, ish-ministër i Punëve të Jashtme i Maqedonisë së Veriut
© 2026 Argumentum
