Presidenti i Kinës Xi Jinping u takua të shtunën pasdite me kryeministrin indian Narendra Modi, në kuadër të Samitit të 18-të BRICS në Delhi të Indisë. Udhëheqësit e të dy vendeve patën shkëmbime të sinqerta dhe të thella mendimesh dhe arritën konsensus të rëndësishëm që Kina dhe Inda të bëhen partnerë të njëra-tjerës.
Xi Jinping vuri në dukje se Kina ka trajtuar dhe ka zhvilluar marrëdhëniet Kinë-Indi nga lartësia strategjike dhe këndvështrimi afatgjatë. Si dy vendet me më shumë popullsi në botë dhe anëtare të rëndësishme të Jugut Global, Kina dhe India mbajnë përgjegjësi të mëdha. Të dyja palët duhet të ofrojnë më shumë energji pozitive për të promovuar paqen, stabilitetin, zhvillimin dhe lulëzimin e botës.
Xi Jinping paraqiti katër pikëpamje për nxitjen e marrëdhënieve të qëndrueshme dhe afatgjata Kinë-Indi.
Së pari, të rregullojnë kursin me perceptimin strategjik objektiv dhe racional. Kina dhe India janë partnerë, jo rivalë, që ofrojnë mundësi zhvillimit për njëri-tjetrin dhe jo kërcënime.
Së dyti, të arrijnë sukses të ndërsjellë përmes konceptit të bashkëpunimit fitimprurës. Të dyja palët duhet të përqendrohen në zhvillimin, të forcojnë shkëmbimet miqësore dhe bashkëpunimin e dobishëm reciprok, duke nxitur zhvillimin e qëndrueshëm e normal të marrëdhënieve ekonomiko-tregtare midis dy vendeve.
Së treti, të përdorin mençurinë politike bazuar në respekt dhe mirëkuptim të ndërsjellë, për të eliminuar ndërhyrjet. Të përpiqen për avancimin paralel të marrëdhënieve dypalëshe dhe çështjeve kufitare, duke ruajtur paqen dhe qetësinë në zonat kufitare.
Së katërti, të promovojnë bashkëpunimin e hapur shumëpalësh dhe gjithëpërfshirës për t’i sjellë përfitime botës. Ta mbështesin njëra-tjetrën si vend kryetar të BRICS, të forcojnë bashkëpunimin brenda kornizave shumëpalëshe si Kombet e Bashkuara, Organizata e Bashkëpunimit të Shangait dhe G20, të punojnë bashkërisht për të përballuar sfidat globale dhe mbrojnë haptazi barazinë dhe drejtësinë ndërkombëtare.
foto nga Xinhua
Nga ana e tij, Modi deklaroi se zhvillimi i marrëdhënieve Indi-Kinë në një drejtim pozitiv, përputhet me interesat e përbashkëta të më shumë se 2.8 miliardë njerëzve të të dy vendeve. India i ka konsideruar marrëdhëniet Indi-Kinë nga një perspektivë strategjike dhe afatgjatë, është e gatshme të jetë partnere me Kinën dhe jo si armiq, dhe e sheh zhvillimin e ndërsjellë si një mundësi dhe jo si një sfidë. India ndjek një politikë të jashtme të pavarur dhe autonome, duke zhvilluar marrëdhëniet me Kinën pa ndikim të palëve të treta. Politika dhe pozicioni i Indisë për çështjet që lidhen me Tajvanin dhe Tibetin nuk kanë ndryshuar, dhe asnjë forcë nuk lejohet të merret me aktivitete antikineze në Indi.
India është e gatshme të ruajë shkëmbime në nivel të lartë me Kinën, në bazë të respektit dhe besimit të ndërsjellë, të forcojë komunikimin strategjik, të promovojë bashkëpunimin me përfitime të ndërsjella, të përmirësojë shkëmbimet kulturore dhe të nxisë zhvillimin e mëtejshëm të marrëdhënieve dypalëshe, theksoi Modi.
Të dyja palët duhet të punojnë së bashku për të ruajtur paqen dhe qetësinë në rajonin kufitar. India është e gatshme të koordinojë ngushtë dhe të bashkëpunojë me Kinën për të promovuar së bashku forcimin e bashkëpunimit në Jugun Global, për të promovuar multipolaritetin global dhe rritjen ekonomike, dhe për t’u bërë një forcë e qëndrueshme dhe progresive në një botë të trazuar, shtoi kryeministri indian.
/cgtn
