Ish-ministri i Jashtëm i Sllovakisë, Eduard Kukan, ndërruar jetë në moshën 83-vjeçare 82-vjeçare, ka konfirmuar të enjten Ministria e Jashtme e Sllovakisë.
“Duke shërbyer në kohë të vështira, ai ia kushtoi jetën ndërtimit të Shërbimit të Jashtëm të Sllovakisë. Vendimet e tij mundësuan anëtarësimin tonë në Bashkimin Evropian dhe në NATO. Pa të, historia e Sllovakisë mund të ishte krejt ndryshe”, ka shkruar Ministria e Jashtme sllovake në Twitter.
Kukan ka qenë edhe deputet i Parlamentit Evropian dhe shef i delegacionit të BE-së për Evropën Juglindore.
Kukan u diplomua në Institutin Shtetëror të Marrëdhënieve Ndërkombëtare në Moskë në vitin 1968, ku mësoi gjuhën suahili. Më pas doktoroi në drejtësi në Fakultetin Juridik të Universitetit Charles në Pragë dhe në vitin 1993 doktoroi nderi në drejtësi në Kolegjin Upsala në SHBA.
Kukan nga viti 1998-2006 ka qenë ministër i Jashtëm i Sllovakisë. Në vitin 1999, Kukan u emërua i dërguari i posaçëm i Kombeve të Bashkuara për Kosovën, një rol që e mbajti së bashku me Carl Bildt.
Në 2009 u bë pjesë e Parlamentit Evropian dhe ka shërbyer në Komitetin e Punëve të Jashtme.
Ai shërbeu gjithashtu edhe si i dërguar i posaçëm i Kombeve të Bashkuara për Ballkanin, i emëruar nga Sekretari i Përgjithshëm i atëhershëm i OKB-së Kofi Annan.
Eduard Kukan ishte një nga mbështetësit e Shqipërisë në Parlamentin Evropian dhe shpesh ishte pjesë e delegacioneve ndërkombëtare që ndërmjetësonin krizat në politikën shqiptare.
Vitet e fundit, ai shërbeu si një nga bashkë-lehtësuesit në Dialogun Ndërpartiak për kushtet elektorale në Serbi.
Në nderim të tij, Kuvendi i Shqipërisë mbajti sot një minutë heshtje.
Kryetarja e Kuvendit, Lindita Nikolla tha se “sot është ndarë nga jeta një mik i çmuar i Shqipërisë, Kosovës dhe gjithë shqiptarëve. Eduard Kukan, një politikan i shquar sllovak, u zgjodh eurodeputet për më shumë se një dekadë deri në 2019. Ai ka shërbyer me përkushtim si i dërguar special i Sekretarit të Përgjithshëm të OKB-së në Kosovë më 1999”.
“Si bashkëkryetar i Komitetit të Stabilizim-Asociimit Shqipëri-Bashkimi Evropian, Kukan-it i jemi mirënjohës për kontributin e jashtëzakonshëm për përshpejtimin e procesit të integrimit evropian të Shqipërisë. Për këto qëndrime dhe shërbime të vyera për Shqipërinë, Kosovën dhe bashkatdhetarët tanë kudo që janë Kukan do të mbetet në kujtesën e të gjithë shqiptarëve”, tha Nikolla.
Ndërsa e gjithë politika shqiptare ka shprehur ngushellimet për ndarjen nga jeta të ish-diplomatit Eduard Kukan.
Presidenti Meta: Avokat i palodhur i integrimit evropian të Shqipërisë dhe Ballkanit Perëndimor
Promotor i demokratizimit të plotë të vendit tonë, kontributi i Tij për forcimin e miqësisë midis dy vendeve tona dhe mbështetja për integrimin europian do të mbetet i paharruar. Ngushëllime familjes dhe kolegëve!”, shkruan ai.
Lulzim Basha: Shqipëria humbi një nga miqtë e saj më të shquar
Olta Xhaçka: Mik i mirë i Shqipërisë dhe një mbështetje në integrimn tonë në BE
