Kryeministri Edi Rama paralajmëron ashpërsim të Kodin Penal, sa i takon sigurisë ushqimore në vend. në mbledhjen e grupit parlamentar të PS, Rama paralajmëron heqje të lirisë së aktivitetit, si edhe asaj individuale, për të gjithë ata që kërcënojnë shëndetin e qytetarëve.
“Ndërkohë që Po, kodi ka nevojë për disa ndryshime në aspekte të tjera për mbarëvajtjen e jetës së vendit. Duke nisur nga siguria ushqimore, kemi bërë jo pak progres. Produktet tona bujqësore, ndryshe nga cfarë del ne ekran për të bërë sensacion, janë plotësisht të shëndetshme. Asnjë kamion, në 300 mijë ton, nuk është kthyer për shkak të cënimit të standardeve europiane, por ka fatkeqësisht individë edhe subjekte që kryejnë krime kundër shëndetit të njeriut, ia kanë hedhur 30 vjet me gjoba që nuk janë asgjë krahasuar me fitimin e tyre”, tha Rama.
“Masa e dënimit do të jetë burg deri në 10 vjet. E njëjta gjë për prodhimet ushqimore jashtë afatit të përdorimit. Nuk ia ka borxh asnjë familje kësaj qeverie që të rri e të bëjë sehir dhe nuk sjell asnjë zgjidhje sistemi i punës duke i gjëmuar nga pas tek për tek duke negociuar gjoba me individë e subjekte të tilla”, tha ai më tej.
Në mbledhjen e grupit të Partisë Socialiste, kryeministri solli në vëmendjen shqetësimet e fundit të opinionit publik.
Parti apo individë që duan të kthehen në zjarrvënës të zgjedhjeve ka një kapitull të veçantë në Kodin Penal. Në këtë aspekt Kodi Penal nuk ka nevojë për asnjë ndryshim sepse përbën një bazë solide në mbrojtje të procesit zgjedhor.
Dhuna është shqetësim për njerëzit në krye të detyrës. Politika në vend që ta ndalojë e ka stimuluar. Që nga salla e parlamentit dhe në çdo m katror të vendit
Që nga kundërshtimi deri te prekja ndaj uniformave blu
Dhuna ndaj bluzave te bardha.
Dhuna në fushat e futbollit ku në vend që të jepen shfaqe edukimi jepen shfaqje dhune, do trajtohen në Kodin Penal.
Dispozita për dënimin e këtyre fenomeneve kanë mangësi.
Nevoja e ndryshimit të Kodit Penal në mbrojtjen e të drejtave të autorit ka disa parashikime të pamjaftueshme, por dispozitat nuk janë të plota dhe nëse i krahasojmë me ndëshkimet në ato të vendeve të BE dhe SHBA janë qesharakë.
Kemi ndaluar me ligj lojërat e fatit, po duhet të ndalojmë me ligj lojërat e fatit në mënyrë të paligjshme.
Në lidhje me rendin dhe qetësin publike ka nevojë për ndërhyrje sepse ankesat e qytetarëve lidhur me zhurmat dhe rrëmujat vazhdojnë. Një komunitet i tërë merret peng përmes ping-pongut
Paketa e re sjell një ashpërsim për mbajtjen e armëve.
Nuk mund ta pranojmë si normalitet sportiv bllokimin e lëvizjes së qytetarëve dhe organizimin e saj në mënyrë sistematike.
Legjislacioni për krimet mjedisore nuk ka përfunduar. Problematika e deri më sot për mjedisit, ka treguar se mjedisi nuk mbrohet, ai duhet të plotësohet me legjislacionin për krimet ndaj mjedisit. Ata duhet të reflektohen në Kodin Penal”, tha Rama.
