Ambasadorët e BE-së dhe SHBA-së, Luigi Soreca dhe Yuri Kim zhvilluan sot një takim me anëtarët e Gjykatës Kushtetuese.
Në një postim në twitter, Soreca thotë se i falenderoi ata që ndërmorën një sfidë kaq të vështirë në një moment të rëndësishëm për Shqipërinë.
“Ju urova më të mirën për punën e tyre në çështjet e rëndësishme që Gjykata do të shqyrtojë së shpejti. Sigurimi i funksionaliteti i Gjykatës ishte një arritje e madhe, e bërë e mundur nga angazhimi politik i Presidentit dhe Parlamentit, dhe puna efektive e KED”.
Soreca thotë se Shqipëria ka një hap kritik drejt konferencës së parë ndërqeveritare për negociatat, duke garantuar se BE do të vazhdojë mbështetjen e saj të fortë për te gjitha institucionet e drejtesise ne menyre qe reforma në drejtësi të japë rezultatet që qytetarët shqiptarë presin. Nga ana tjetër, diplomatja amerikane nënvizoi kërkesën e saj që gjyqtarët të veprojnë me pavarësi dhe integritet për të dhënë drejtësi, pavarësisht nga cili institucion i kishte emëruar ata për Gjykatë.
Ambasadorja Kim theksoi rolin e rëndësishëm që Gjykata luan në sigurimin e kontrolleve dhe ekuilibrave në institucionet e Shqipërisë dhe në sigurimin e shtetit të së drejtës.
Ajo përsëriti se mbështetja e SHBA.-së do të vazhdojë, përfshirë edhe sigurimin e ndihmës teknike.
Shtetet e Bashkuara do të vazhdojnë të mbështesin fuqimisht zbatimin e Reformës në Drejtësi.
