“Problemi me i madh midis shqiptarëve dhe së ardhmes quhet (presidenti) Ilir Meta dhe LSI (Lëvizja Socialiste për Integrim). Ky është problemi i madh që duhet të zgjidhet në zgjedhjet e ardhshme dhe besoj se do të zgjidhet,”tha Kryeministri Edi Rama në Asamblenë e Partisë Socialiste .
Në fjalimin e tij 2-orësh ai kërkoi një mandat të tretë qeverise duke sulmuar LSI dhe Presidentin Ilir Meta në një diskurs që zgjati më shumë se gjysmë ore.
***
Partia Socialiste e Shqipërisë mbajti mbledhjen e Asamblesë së Përgjithshme, ku përmes saj pritej të zgjedheshin edhe organet e reja drejtuese.
Por nje gjë e tille nuk ndodhi.
Kryeministri Edi Rama ka bërë dy kërkesa të qarta në Asamblenë e PS teksa ka kërkuar që momentalisht Kryesia e Sekretariati mos ndryshojë.
-Rama ka kërkuar leje që kryesia aktuale e PS të vijojë mandatin edhe për një vit.
-Ndër të tjera kryetari i PS të njëjtën gjë ka kërkuar dhe për Sekretariatin e PS, por për këtë ka kërkuar vetëm shtyrje dhe jo kohë të caktuar.
Vete Kryeministri i Rama, deklaroi për mediat pas përfundimit të Asamblesë së Partisë Socialiste, se nuk do të ketë ndryshime në organet drejtuese të parties,duke shtuar se çështja e ndryshimeve është çështja që e shqetëson më pak në këto momente.
Sipas tij, mungesa e ndryshimit në organet drejtuese është çështje fokusi, harmonie dhe nevojë e PS-së për t’u përqendruar tek marrëdhënia me njerëzit.
“Është çështje fokusi, çështje harmonie, është çështje e nevojave që kemi”, tha Rama.
Dhe si duket fokusi ishte mbi te gjitha Presidenti i Republikes se Shqiperise, Ilir Meta .
Gjate dy oreve te fjalimit te tij para Asamblese Socialiste,Kryeministri Rama ehste perqendruar tek Presidenti Meta, Ish-kryeministri Berisha dhe Kryetarja e Levizjes Socialiste per Integrim, Znj.Kryemadhi.
I frymezuar edhe nga letra e Zotit Meta diten e sotme per Asamblene Socialiste, Kryetari i Partisë Socialiste, Edi Rama i ka kthyer përgjigje Presidentit, por edhe për ftesën për debat publik. Rama tha se, kreu i shteti me cilësimin se PS e mori refugjat dhe e bëri ministër është shprehje e qartë se sa shumë i do Meta emigrantët.
“Ilir Meta u ka shkruar një letër. Ajo që më ka bërë përshtypje është se më thonë se ju më keni marrë refugjat dhe më keni bërë ministër. Kjo në thelb është një shprehje se sa shumë Meta i do emigrantët. Ilir Meta, Monika, Saliu edhe Luli, për këtë të fundit mi merrni me rezervë se është aty në një situatë që… Nuk duan t’ia dinë fare jo për emigrantët por për askënd tjetër që nuk hyn në rrethin e interesi të tyre. Që unë kam qenë emigrant ky është fakt. Që unë dua të kemi prap emigrantë në listën e PS besoj se kjo është krejt e natyrshme. Kjo kënge që refugjati erdhi u bë ministër është në thelb kënga e një njeriu që e do Shqipërinë vetëm për vetë dhe po të kishte në dorë do ta kishte zbrazur Shqipërinë”, deklaroi Rama.
Kreu i mazhorancës ka prekur sërish akuzën drejtuar Presidentit se ka takuar persona që janë subjekt i ligjit të OFL-së por që nuk merret me video për t’ia faktuar këtë gjë.
Tani Ilir do video. Unë me video nuk merrem nuk më intereson fare videot dhe llafet dhe videon. Se kërkon video për skutat ku ai futet., por është e sigurt se president në botë dhe në Shqipëri, as Saliu që ishe president partiak, as ka pasur dhe as ka për të pasur më që shkonte skutave për të bërë fushatë kundër qeverisë. Kjo është e sigurt. Kë takon ai skutave, i di vetë”, tha Rama.
Lidhur me ftesën për debat, që Meta i ka drejtuar, kreu i PS-së iu përgjigj me ironi duke thënë se së pari duhet të bëjë debat me Monika Kryemadhin se kush kryetar i LSI më pas me Bashën se kush është kryetar i PD.
Meta tani thotë hajde në debat, Luli thotë debat, Monika do debat, vetëm Sali nuk do debat. Ilir njëherë të bëjë debat me Monikën kush është kryetari i LSI. Se që Iliri punon për LSI fshehurazi ky është fakt nuk është opinion. Që të dy janë aksionerë në atë ndërmarrje edhe kjo dihet. Që është turp i madh që njëri ikën president dhe lë tjetrën kryetare të ndërmarrjes kjo është konflikt interesi.
Pasi të mundë Monikën, pasi e mund se ka votat se ju e dini që Peco, Monikën e do shumë por për Ilirin e voton kundër. Pastaj të bëjë debat me Lulin kush është kryetar i opozitë pastaj shpallet kryetar i opozitës le të rrijë president nuk ka problem dhe pastaj shohim’, përfundoi Rama.
Në fjalimin e tij, gjatë Asamblesë së Partisë Socialiste, Edi Rama tha se kërkon ta shpëtojë Lulzim Bashën nga LSI-ja dhe herë pas here, i’u referuar Bashës si “çun i mirë”, ndërsa sulmoi Kryemadhin dhe Metën ashpër, gjatë të gjithë fjalimit.
Rama me ironi “projektoi” të ardhmen e kundërshtarëve ku Basha do ishte kryeministër, Ilir do merret me dekorata e Monika shefe e llogarisë. Përtej batutave, Rama e mbylli fjalën e tij duke thënë se fushat elektorale do të ishte mjaft interesante.
“Luli Kryeministër, Ilir me dekorata dhe Saliu kuptohet,Monika shefe e llogarisë. Duhet të shpëtojmë Lulin, s’e imagjinoj dot një demokrat që niset te Sudja, jep një merr dy dhe në fund e panë se çfarë morët. Shkon ia jep Lulit me gjithë këto lista, se votim si ky s’e kisha dëgjuar. Të votosh atë që s’do vetëm Luli, kjo i vjen nga stresi që i vjen nga këta. Është hall i madh, këta janë një situatë shumë sa qesharake aq e rrezikshme,se Luli është pasagjer, lokomotivën e lëviz Iliri, Saliu është skapamento, që ndot ajrin për të shpërndarë panik, Monika është fatorino, Luli me kapele që përshëndet ata që presin në plate dhe i thotë “si jeni me taksa, ai i thonë na i kanë hequr”. Më ka ardhur shumë keq kur më akuzonin se dua t’i ndaj, që Lulin dua ta shpëtoj nuk e mohoj, nuk e di kush e mbulon Unazën e re, kemi mungesën e djalit të Fahriut, do e shihini kur të marrë dekoratë Fahriu, do kthejë unazën mbrapsht për LSI-në dhe duhet ta ndihmojmë Metën që t’i thotë shqiptarëve ça do akoma. Që nga Skënderbeu deri sot asnjë tjetër nuk i ka pasur ato që ka Meta, Kryeministër 30 vjen, kryeparlamentar 40 vjeç, presidebt 50 vjeç, ca do kur të shkosh 60 vjeç? Do jetë një fushatë shumë interesante“, tha Rama.
Cuditerisht Z.Basha nuk reagon…
Ndërkohë ai akuzon presidentin Meta se e krijoi LSI-në vetëm për të përfituar nga partitë e mëdha, ndërsa tha se koalicioni me LSI-në u “hodh në erë” nga Reforma në Drejtësi.
“Askush nga partitë politike në Shqipëri nuk plotëson kushtet për të qenë aleati ynë. Aleati ynë janë njerëzit dhe së bashku me shumicën e shqiptarëve do t’i lëmë mbrapa si asnjëherë tjetër. Unë kam qenë partizan i bashkimit me LSI-në, 2 herë, jo 1 herë. Kam qenë partizan i bashkimit të së majtës, i një të majte me 2 shpirtra që u krijua nga një çarje e madhe e PS. Kam besuar se kjo ishte rruga e duhur për të krijuar një pol të fuqishëm qeverisës, dhe ajo që kam mësuar që të dyja herët, problemi është zmadhuar deri sa është bërë eksploziv për arsye të një fakti të thjeshtë.
PS është një parti e madhe që përtej të gjitha zakoneve të këqija që janë pjesë e orgamnizmit të çdo partie në Shqipëri dhe botë, ka përgjegjësi qeverisëse. LSI do të jetë pjesë e qeverisë për t’u rritur në kurriz të shtetit. Bomba që hodhi në erë koalicionin me LSI-në është reforma në drejtësi. Aty ndarja është bërë e pariparueshme, sepse LSI është krijuar për të marrë sa më shumë pushtet duke marrë peng njërin nga 2 të mëdhenjtë. Ka lindur si një forcë hakmarrëse, ka përfituar nga degradimi i PS, ka përfituar nga një bosjllëk i krijuar nga vetë PS, ka përfituar nga pakënaqësia në PS.
LSI është një organizatë që funksionon si qelizat e kancerit, që rriten pa qëllim dhe në fakt shtohen vetëm për të vdekur organizmin që ka. Me LSI-në nuk ka mundësi të bëhet më shumë se çfarë kemi bërë në mandatin e parë. Nuk i heq asnjë presje atyre q ëkam thënë, kam qenë partizan 2 herë i bashkimit me LSI-në dhe falë atij koalicioni kemi bërë shumë gjëra dhe kemi dhënë atë që detyrohet të japësh kur je me LSI-në, një pjesë të shpirtit”, tha Rama.
Presidenti Ilir Meta i kërkon sërish kryeministrit Edi Rama që të përballen në një studio televizive.
Teksa kryeministri e akuzoi ditë më parë se Presidenti ka takuar persona të skeduar nga OFL, Presidenti thotë se është i gatshëm të përballet publikisht për këtë, duke i kërkuar kreut të qeverisë të caktojë orën dhe ditën.
“O shoku, ku e lamë debatin për OFL? Në cilën ditë, orë, studio dhe gazetarë? Malet tona më të larta!”- shkruan Meta në një tjetër reagim.
Sa I perket zgjedhjeve me 25 Prill, Kryeministri beson se i duhet një mandat i tretë që të mund të bëjë Shqipërinë të vrapojë dhe reformat e nisura dhe investimet të vijojnë.
“Shqiptarët duhet ti japin votën PS-se si e partia më e mirë. Askush nga partitë politike në Shqipëri nuk plotëson kushtet për të qenë aleati ynë ” u shpreh Rama.
Kryeministri beson se i duhet një mandat i tretë që të mund të bëjë Shqipërinë të vrapojë por si dihet se per ku…
© Argumentum