Ministria e Jashtme bullgare, në një reagim zyrtar, kërkon që Kryeministri Edi Rama të rregullojë mënyrën e të shprehurit.
Sofja zyrtare thekson se Bullgaria ka mbështetur dhe mbështet integrimin evropian të Shqipërisë, ndërsa thekson se marrëdhëniet mes dy shteteve nuk mund të cënohen nga sjellja e Kryeministrit Rama.
“Bullgaria ka qenë gjithmonë nga ato shtete që mbështesin përkatësinë europiane të popullit shqiptar. Ne kemi mbrojtur perspektivën evropiane të Shqipërisë dhe fillimin e negociatave për anëtarësim në BE, edhe kur ishte më e vështirë se sot. Gjatë viteve nuk ka pasur shumë zëra të tjerë me ne në këtë kauzë. Ne e mbrojmë atë pavarësisht gjithçkaje, në emër të një të ardhmeje të përbashkët evropiane.
Si kundërpërgjigje, nuk është hera e parë që dëgjojmë deklarata të paprovokuara e të ashpra, fyese nga kreu i një qeverie. Një gjuhë e tillë nuk mund të justifikohet më nga mungesa e aftësive evropiane të komunikimit. Presim që Kryeministri shqiptar të rregullojë mënyrën e të shprehurit, në një gjuhë që i përshtatet një politikani të një vendi kandidat për anëtarësim në BE.
Deklarata e Ministrisë së Jashtme bullgare
Bullgaria ka qenë gjithmonë ndër ato shtete anëtare të BE-së që mbështesin identitetin evropian të popullit shqiptar. U ngritëm për perspektivën europiane të Shqipërisë dhe fillimin e negociatave të anëtarësimit në BE atëherë kur ishte shumë më e vështirë se sot. Gjatë viteve, nuk ka pasur shumë zëra të tjerë me ne në këtë kauzë. Ne ende qëndrojmë për të sot, pavarësisht gjithçkaje, për hir të një të ardhmeje të përbashkët evropiane.
Si përgjigje, jo për herë të parë, kemi dëgjuar kualifikime të rënda të pa sfiduara, fyese nga një kryetar qeverie. Bile hedhjet në një regjistër kaq të ulët gjuhësor nuk mund të justifikohen më nga karakteristikat e karakterit dhe mungesa e aftësive komunikuese evropiane. Presim që kryeministri shqiptar të marrë parasysh mjetet e tij shprehëse në një gjuhë që i përshtatet një politikani nga një vend kandidat për anëtarësim në BE.
Në këtë nivel, më shumë se çdo gjë tjetër, ne insistojmë të ruajmë një ton të mirë komunikimi. Në këtë nivel, gjithmonë është dëshmuar nga ana jonë i gjithë respekti që kërkon pozita përgjegjëse dhe niveli i marrëdhënieve ndërshtetërore. Kemi një të ardhme të përbashkët përpara me Shqipërinë. Politikanët po ikin. Kombet po qëndrojnë. Popujt tanë kanë një interes të përbashkët që nuk duhet të pengohet nga gjykimi i keq i një politikani. Është e papranueshme që marrëdhëniet mes vendeve të mbahen peng i ekscentricitetit të kryeministrit aktual shqiptar.
Kryeministri Rama: Hiqni veton, ose më duroni!
Kryeministri Edi Rama reagoi sot pas deklaratës së Ministrisë së Jashtme të Bullgarisë, e cila kërkon që të ruhet një ton i mirë komunikimi, duke iu referuar konferencës së djeshme për shtyp në Bruksel pas samitit BE-Ballkani Perëndimor.
Në një postim në rrjetet sociale, kryeministri Rama i bëri thirrje Bullgarisë të heqë veton në procesin e çeljes së negociatave.
“Oh! Ministria e Jashtme e Bullgarisë ka një problem me mënyrën time të të folurit! Mjaft e drejtë. Edhe unë kam një problem me mënyrën se si Bullgaria dëshiron të zgjidhë çështjet biletarale duke përdorur procesin e zgjerimit si mjet për pengmarrjen e dy vendeve të NATO-s! Merreni lehtë miq: Hiqni VETO-n ose më duroni mua!”, shkroi Rama.
“Dhe meqë ra fjala, më lejoni t’ju kujtoj të dashur miq bullgarë se u desh një telefonatë e shkurtër me Boyko Borissov për të zgjidhur miqësisht dhe sinqerisht çështjen e minoritetit bullgar në Shqipëri! Miqtë e vërtetë nuk dëmtojnë njëri-tjetrin, por flasin me të vërtetë me njëri-tjetrin dhe i japin dorën”, shtoi Rama.
/Argumentum.al