Lojërat Olimpike Dimërore do të hyjnë në “Momentin Italian”, duke tërhequr sërish vëmendjen e botës ndaj sporteve dimërore në rritje e sipër.
Një sondazh i kryer nga Rrjeti Televiziv Ndërkombëtar i Kinës (CGTN) me përdoruesit globalë të internetit, zbuloi se 61.2% e pjesëmarrësve besojnë se vlerat olimpike mund të rrisin frymën e gjithëpërfshirjes së komunitetit ndërkombëtar, duke shprehur shpresën se Lojërat do të shërbejnë si një platformë e rëndësishme për promovimin e dialogut, shkëmbimet dhe bashkëpunimin midis vendeve të ndryshme.
Vlen të përmendet se alpinizmi me ski, kësaj here kthehet në skenën olimpike pas një mungese 78-vjeçare, duke u bërë sporti i vetëm i ri i shtuar në këtë miting madhështor sportiv. Sipas sondazhit, 71% e të intervistuarve besojnë se ky sport, i cili kombinon trashëgiminë historike me joshjen moderne konkurruese, do t’i sjellë vitalitet të ri eventit.
Lojërat Olimpike Dimërore të këtij viti theksojnë konceptin e gjelbër, me dizajne të qëndrueshme dhe miqësore me mjedisin, të integruara tek pishtari, medaljet dhe ndërtimi i stadiumeve. Sondazhi tregoi se 58.1% e pjesëmarrësve besojnë se kjo është një përgjigje pozitive ndaj ndjekjes së zhvillimit të gjelbër dhe me karbon të ulët. Për më tepër, 75.2% mendojnë se rinovimi dhe ndërtimi i rrugëve, hekurudhave dhe stadiumeve nga qytetet pritëse për të mbështetur Lojërat, paraqesin një mundësi të vlefshme për të përmirësuar infrastrukturën përkatëse.
Foto nga VCG
Inovacionet teknologjike të mbështetura mbi inteligjencën artificiale, janë një veçori e transmetimit të Lojërave Olimpike Dimërore. Sistemet e ritransmetimit në kohë reale prej 360 gradësh që përmbledhin detajet brenda pak sekondave, si dhe sistemet e gjurmimit të trajektores të IA-së, që vizualizojnë dinamikën e garës në kohë reale, janë karakteristika që priten me shumë interes nga 62.4% e të intervistuarve.
Vlen të përmendet se Grupi Mediatik i Kinës (CMG) do të luajë një rol të konsiderueshëm në ofrimin e përvojës së shijimit të Lojërave Olimpike Dimërore 2026. CMG do të jetë e vetmja organizatë mediatike globale e përfshirë në prodhimin e sinjaleve publike ndërkombëtare 8K në Lojëra, ndërsa do të shërbejë gjithashtu si ofruesi kryesor i sinjaleve publike ndërkombëtare 8K për ceremonitë e hapjes dhe mbylljes, përveç prodhimit të sinjaleve publike ndërkombëtare për patinazhin artistik dhe patinazhin e shpejtë në pistë të shkurtër për herë të parë.
Foto nga CMG
Foto nga VCG
Sondazhi u publikua në platformat e CGTN në anglisht, spanjisht, frëngjisht, arabisht dhe rusisht, duke tërhequr 8.854 pjesëmarrës të huaj, që ndanë pikëpamjet e tyre brenda 24 orësh./cgtn
