Këtë verë, turistët evropianë udhëtuan mijëra kilometra dhe erdhën në Kinë për të përjetuar“freskinë në stilin kinez”. Të dhënat turistike tregojnë se gjatë pushimeve verore, midis 20 vendeve dhe rajoneve kryesore që hynë në Kinë, vendet evropiane përbënë 30% të tyre, numri i rezervimeve u rrit me 275% dhe porositja e biletave u shtua 20 herë më shumë krahasuar me vitin e kaluar. Ndër to, vendet e Evropës Perëndimore, si Britania e Madhe, Franca dhe Gjermania përbënë 42%, me një rritje gati 150% se një vit më parë.
Këtë verë, një valë e madhe nxehtësie goditi Evropë ndaj “kondicionerët kinezë” patën shumë kërkesë. Të dhënat tregojnë në qershor, eksporti i kondicionerëve kinezë për në Evropë u rrit me 72.8%. Qytetarët evropianë, mezi presin të vijnë në Kinë për të përjetuar“lirinë e ajrit të kondicionuar” — qendrat tregtare, hotelet, stacionet e metrosë dhe zonat e tjera publike në Kinë, përgjithësisht janë të pajisura me ajër të kondicionuar, gjë që e bën ambientin shumë të rehatshëm. Për më tepër, Kina ka një territor të madh dhe burime të shumta, nga rrafshnalta Yunnan-Guizhou tek malet me borë në Sichuan, nga pyjet e Verilindjes deri tek kullotat e mëdha të Mongolisë së Brendshme, u ofrojnë turistëve evropianë shumë “opsione naatyrore freskuese”.
Blogerja franceze Isa, e cila jeton prej kohësh në Shanghai, vazhdon të ndajë përditësime në mediat sociale, me planet për të sjellë prindërit e saj në Kinë për të kaluar verën larg nxehtësisë dhe duke dokumentuar udhëtimin e tyre në vend. Këto postime pasqyrojnë preferencat dhe besimin e dy të moshuarve francezë për Kinën.
Turisti italian Marco, pasi vizitoi Guilin, u shpreh i habitur: “Shumë vende këtu kanë çadra dielli, madje ndalesat e pushimit në male shesin pije të ftohta. Këto lloj detajesh janë të rralla në Evropë. Dhe peizazhi këtu është kaq i bukur; do t’ua rekomandoja miqve të mi evropianë.”
Disa ekspertë thonë se temperaturat e larta në Evropë janë bërë shkak për të shkuar menjëherë në Kinë. “Shko tani në Kinë” është bërë shumë e përshtatshme. Aktualisht, Kina ofron hyrje pa viza për turistët me pasaporta të zakonshme nga 35 vende evropiane. Turistët që plotësojnë kushtet mund të qëndrojnë deri në 30 ditë. Drejtoresha e Ekzekutive e Zyrës Kombëtare të Turizmit të Britanisë tha se politika pa viza e bën më të lehtë udhëtimin e turistëve britanikë në Kinë. Të dhënat e Administratës Kombëtare të Imigracionit tregojnë se gjysmën e parë të vitit, nga të huajt që hynë në vend, 77.7% e turistëve përfituan nga hyrja pa vizë.
Krahas kësaj, politika e kthimit të taksave për largimin nga Kina, po përmirësohet gjithashtu. Versioni i fundit i prezantuar “Rimbursimi i Taksave 2.0” përmes nismave kryesore si njohja reciproke në vende të ndryshme dhe standardizimi i afatit të largimit prej 28 ditësh, bën që turistët evropianë të përjetojnë realisht “blerje me qetësi dhe kthim taksash me lehtësi”
Kjo është arsyeja pse evropianët nuk mjaftohen më thjesht duke “shikuar” Kinën nga ekrani; ata dëshirojnë ta përjetojnë personalisht dhe të kuptojnë Kinën e vërtetë. Talia, e diplomuar në programin e Studimeve Kineze në Universitetin e Edinburgut, tha se për shumë të rinj jashtë vendit, trendet kineze i kanë treguar botës një “Kinë të dashur”, duke ngjallur interesin e tyre për të vizituar vendin.
Vlen të theksohet se, edhe gjatë kësaj vere, disa politikanë evropianë sërish nxitën proteksionizmin tregtar dhe krijuan barriera artificiale, duke u munduar të shkëpusin tregun Evropë-Kinë dhe të bllokojnë shkëmbimet dypalësh. Realiteti flet vetë: këtë verë, udhëtimi freksues i turistëve evropianë përtej maleve dhe deteve, vërtetoi një të vërtetë të thjeshtë: Kina dhe Evropa janë partnerë, jo kundërshtarë./cgtn
